Områdslederi UvdloriaK Mølgaard 2004-mi qatserisartunngorami aqqutaani ilinniakkanik pikkorissarnernilu assigiinngitsunik naammassisaqartarsimavoq, ilaatigut Grunduddannelse BRAND, Funktionsuddannelse BRAND, Holdleder Brand, Holdleder som teknisk leder allallu ukiuni taakunani angusimasaasa ilagaat.
Brandformandi Agnethe Berthelsen Sarfannguani ukiorpassuarni qatserisartuuvoq ullumikkullu ukiuni qulini sulinermini uppernarsaammik saqqarmiulerneqarpoq. Agnethe ilinniagai pikkorissarnerilu ilaatigut makkuupput, Grunduddannelse Indsats, Brandformand kursus, Funktionsuddannelse.
- Qatserisartunngorniaraani inooriaaseq ulluinnarnilu inuuneq aamma ilaqutariittut inuuneq allanngorluinnarsinnaasarpoq. Inooriaatsimillu taamatut allannguineq amerlagisassaanngitsuinnaat inooriaaserilissallugu sungiusimalersarpaat. Qeqqata Kommuniani Upalungaarsimanermut Pisortaq Inunnguaq Lundblad oqarpoq.
Upalungaarsimanermut pisortap ilaatigut oqaatigaa tulluusimaarutigalugu ukiuni taama amerlatigisuni qatserisartuunermik angusaqartoqarmat.