Nersornaat aamma Ataqqinaat 2024

Sisimiut nunaqarfiinilu nersornaammik tunniussisoqartarpoq kiisalu Maniitsoq nunaqarfiinilu ataqqinaammik tunniussisoqartarluni. Kingumut Qeqqata Kommuniani illoqarfinni nunaqarfinniillu innuttaasunik immikkut maluginiarneqartunut tunniussinissaa nallerpoq.

Nalunngilarput inuiaqatigiinnut sullissilluartorpassuarnik nunaqqateqarluta. Taammaattumik innuttaasut, peqati¬giiffiit soqutigisaqaqatigiillu 2024-mi nersornaasi¬gassanik kommunimut innersuusseqqullugit kaammattuutsigaarput. Nersornaaserneqartussatut piukkussat tunngaviler-sorluarneqarsimasut kommunalbestyrelsimut nassiunneqassapput.

Inuk malunnaatilimmik nersortarialimmik, soqutiginninnermik, eqiasuitsumik nammineersinnaassutsimillu takutitsisimasoq nersorneqassaaq kiisalu ataqqinaaserneqassalluni.

Erseqqissaatigineqassaarlu, inuit ataasiakkaat nersornaaserneqartussatut ataqqinaaserneqartussatulluunniit immin¬nut siunnersuutigisinnaanngimmata, kiisalu siunnersuuteqartoq nuliaminik uimi¬nilluunniit, eqqarleri¬saminik imaluunniit ningaarisaminik ukuari-saminilluun¬niit killormullu sakiminik aammalu soorlu soralussatut qanitsigisumik eqqarle¬risa¬mi¬nik siunnersuutigisaqarsinnaanngimmat

Sisimiuni kiisalu nunaqarfiini ukuusut: Sarfannguit, Itilleq aamma Kangerlussuaq inummik nersornaammik pissarsisussamik piukkussaqaraani uunga allakkatigut tunngavilersuilluarnikkut apuusisoqarsinnaavoq: qeqqata@qeqqata.gl

Maniitsumi nunaqarfiinilu ukuusut: Kangaamiut, Napasoq aamma Atammik inummik ataqqinaammik pissarsisussamik piukkussaqaraanni uunnga allakkatigut tunngavilersorluakkamik apuussisoqarsinnaavoq: qeqqata@qeqqata.gl


Siunnersuutigineqartut kommunalbestyrelsimut tunniunneqareersimassapput kingusinnerpaamik ataasinngorneq novembarip 19-anni 2024

Decembarip qaammataani nersornaasiinneq aamma ataqqinaammik tunniusinerit ingerlanneqassapput.