Sisimiuni Tae kwon do-mik unammersuarneq aallartippoq

Oktobarip 17-anniit 19-at ilanngullugu Tae kwon do-mik unammersuarnerit ingerlanneqartussat sineriammeersut katillugit 108-pput, aaqissuisuupput Tae kwon do Sisimiut, unammersuarneq aallartittoq tikeraat tamakkersimalereerput.

- Illoqarfiit arfineq pingasut peqataapput, tassaallutik: Qaqortoq, Paamiut, Nuuk, Maniitsoq, Sisimiut, Aasiaat, Ilulissat, Uummannaq. Meeqqat 8-niit ukiullit qummut utoqqasaat tikillugit peqataapput utoqqaanersaat 60-it sinnerlugot ukioqarluni, Bolethe Marie Petersen Tae kwon do Sisimiuneersoq oqarpoq.

Sisimiuniittut timersortarfimmut isiginnaariarsinnaapput iserneq akeqanngilaq. Unammersuarneq naammassippat kattuffik pisarnertut ataatsimeersuassaaq.