Taamatut aaliangernermut tunngaviusut ilagaat meeqqat inuusuttullu amerlanerusut timersornissamut timersornerlu aqqutigalugu naapinnissamut aningaasat aporfiginagit periarfissaqarnerulernissaat. Tassani eqqarsaatigineqarpoq angajoqqaat timersuutini assigiinngitsuni ilaasortaanermut akiliutissaqannginneranni meeqqat timersornissaraluat aningaasat peqqutaallutik pinngitsoorneqartarnerat.
Januar 2020 timersoqatigiiffiit tusarniaavigineqarlutik naapinneqarput suliniullu taanna timersoqatigiiffinniit taperserneqarluni atuutsilerneqarnissaa akuerineqarluni.
Kakkiussami ataatsimiinnermi oqaluuserineqartut tunngavilersuutigineqartullu tamakkiisumik takusinnaavasi.
Massakkumut timersoqatigiiffiit qanoq isumaqarpat?
Ukiut sisamat ingerlareerneranni meeqqat akeqanngitsumik timersortarnerat pillugu timersoqatigiiffiit qanoq misigisimaneraat tusarniaavigerusupparput.
Peqatigiiffinnut naapisitsinermi assigiinngitsutigut akeqanngitsumik timersortarneq isummersorfigineqartarpoq. Tamannalu Ilinniartitaanermut Ataatsimiititaliamut nalileqqitassasut qaqinneqarnissaanut peqatigiiffiit piumaffigerusuppassi peqatigiiffikkaartumik siulersuisut ataatsimut allakkatigut naliliinermik uagutsinnut nassiusseqqullusi.
Ilaatigut uku apeqqutigerusuppagut:
• Meeqqat akeqanngitsumik timersortarnerat qanoq isumaqarfigaasiuk?
• Akeqanngitsumik timersortitsisarnermi timersoqatigiiffimmut qanoq sunniuteqarpa?
• Siunertaasoq malillugu meeqqat amerlanerusut timersoqatigiiffissinni peqataasalerpat?
• Siunnersuutissaqarpisi meeqqanut timersorneq akeqanngitsiinnarlugu peqatigiiffik eqqarsaatigalugu qanoq iliortoqarsinnaanersoq?
• Peqatigiiffittut nammineq akeqanngitsumik timersortarneq pillugu oqaatigerusutat.
Tusarniianermut peqatigiiffittut akissutit uunga nassiuteqquneqarput: apol@qeqqata.gl kingusinnerpaamik marlunngorneq 2. december 2024. Akeqanngitsumik timersortarneq aaliangiunneqarnerani imaqarniliaq uani takuneqarsinnaavoq:
Imaqarniliaq IA 012020 03 Februar 2020 (3).pdf punkt 4.
|
Antal medlemmer |
Gevinst pr. år |
Trin |
|
0-24 |
2.000,00 |
G |
|
25-49 |
5.000,00 |
F |
|
50-74 |
6.000,00 |
E |
|
75-99 |
7.000,00 |
D |
|
100-149 |
8.000,00 |
C |
|
150-199 |
9.000,00 |
B |
|
200 < |
10.000,00 |
A |