Ammartakkap pingajuat - Louisannguaq Rosing

Meeraaninni juulleriartornera aamma juulli qanoq eqqaammasaqarfigaagit?

Kangaamiuni meeraaninni juulleriartornera puigunaappoq ammartagaqarneq kiisalu ernitsiiaqarneq, tassaavoq innerit puui vatsinik immeriarlugit oorimik immerlugu taava aqaguani ooritaa ernisarpoq.
Meeraallunga anaanagalu marluinnaavugut aataa angaakkukkalu illoqatigivagut, ullaakkut orpisunni qallunaat orpia assut tipigittaqaaq. Aataga kukkilattarissamik juullisiutinik atuerujoorpaluttoq naneruuteeqqallu ikitersimasut ullaaq nuannertaqaaq.

Suli ullaajusoq meerarpassuulluta naneruarfilerluta illut tulleriiaarlugit silatangiaasarpugut, tamanna aamma puujuikkiunnikuuara. Ulloq manna suli juulliaqqami ullaakkut meeqqat silatangiaasarput.

Eqqaammasama ilagaat juulliaqqami pivorleertarneq, klassikkaarluta alanngaariarluta tussiartarpugut. Nikuilluta alanngaartarpugut pivorleerluta naggataatigullu tussiartarluta, tungaanut alanngaagassarput angerlarsimaffitsinni sungiusatarparput.

Juulliaqqami orpiliariartoqattaartarpugut, ingammik anaannama qatanngutai tulleriiaarlugit. Siiseertartunik illup iluani inersimasut tunniussai alutorsaatigalugit naggasiutigisarpagut.


Ullumikkut juulli qanoq atorusuttarpiuk?

Massakkut kisimiittunngornikuugama ernuttakka peqatigalugit juulli qilanaarnartaqaaq. Ukioq manna ernutara angajulleq erneralu angajulleq juullisioqatigissavakka, ilai nuummiikkamik eqqaammanassaqaat.

Inersimasut juullerujussuarmi ullaakkut silatangiaasarput, naggataagullu nunaqarfiup orpiata eqqaani “Maanna juullisioratta “ atortarpaat tusarnertaqaat qilanaarnartaqaallu.

Qangali juulliaqqami nerisarpagut tuttup allerui suaasarsualerlugit, ukioq manna aamma taammannak nerissaagut.


Inoqatinnut siunnersuutitsialaat pingasut suut apuukkusuppigit?
• Eqqissilluni juullikkut ukiutoqqakkullu nalliussineri atortarnissai