Nereqatigiinneq, tussiaqatigiinneq, qinoqatigiinneq, meeqqanit erinarsorfigineqarneq utoqqaallu nipaat aamma tussiarneri ilaatigut Sisimiut Timersortarfianni ulikkaaqqasumi pingasunngornermi decebarip 11-anni tusarsaallutillu takussaapput.
Ileqquulersimasoq malillugu katerisimaarneq utoqqarnit, siusinaartumik soraarnerussutisiaqartunit innarluutilinniillu peqataaffigineqarluarpoq.
Peqataasut isernerminni normumik tigusinikkut makitsinermi poortukkamik tunineqaqattaarnerisa saniatigut Sisimiuni utoqqaanersat pingasut immikkut kurvimik tunineqarput, angajullersaat 95-inik ukioqarluni.