Borgmesteri Malik Berthelsen Qeqqata Kommuniani HBSC-mi inernerit kiisalu kommunimi atuarfinnut pitsaassutsimut ataatsimoorussamik nalunaarusiaq pillugu saqqummiissaaq.
Tamatuma kingorna tarnip pissusaanik ilisimasalik meeqqanillu passussinikkut tarnip pissusaanik immikkut ilisimasalik, Ulla Dyrløv angajoqqaanut saqqummiissaaq. Ullap saqqummiinissaanut tunngatillugu ataani paasisaqarnerusinnaavutit.Maniitsoq:
Ataasinngorneq ulloq 20/1 nal. 18.30-21.00 Hotel Maniitsumi
Sisimiut:
Sisamanngorneq 23/1 nal. 18:30 - 21.00 Taseralimmi
Aqqutissiuigit aqutsisuugillu – aamma pissutsinik allanngortoqarnerani
Angajoqqaarpassuit qitornaminnut naalakkiisinnaatitaanertik pillugu nalornisarput. Meeqqalli angajoqqaaminnit aqunneqarnissartik, eqqissisimatinneqarnissartik aqqutissiuunneqarnissartillu pisariaqartippaat – pingaartumik pissutsit allanngorneranni, soorlu atuarfimmut allamut nuunnermi, avittoqartillugu napparsimasoqartilluguluunniit.
Qanoq akisussaaffimmik tigusisoqarsinnaava? Taama iliunngikkaanni susoqassava?
Saqqummiinermi angajoqqaat meeqqap alliartornerani ajornartorsiutit pilersartut pillugit qanoq iliuuseqarsinnaanerannik tigussaasumik siunnersuissaanga. Meeqqavit angajoqqaatut illuatungilerisamik kisimi piumasaqaannaavippat, sinikkusunngippat, avittoqarsimatillugu eqqugaasimappat allanillu ajornartorsiuteqarpat qanoq iliussavit?
Ulla Dyrløv tarnip pissusaanik immikkut ilisimasalik ingerlatsisinnaanermut akuerineqarnikuuvoq aammalu meeqqanik passusinikkut tarnip pissusaanik immikkut ilisimasaqartuulluni. Saqqummiisartuuvoq, tusarnaagassiortartuuvoq ilaatigullu atuakkamik tunineqarnerpaamik Pilot for dit barn-imik atuakkiortuulluni ilisimaneqarluartoq.
Ulla oqallissaarisartutut isummertitsisartutullu meeqqap isiginnittariaasaa aallavigisarpaa, aammalu meeqqat inuusuttullu atugarliornerisa oqaluuserineqarnissaat ukiorpaalunni sorsuutigalugu.
Ulla meeqqat ilaqutariillu immikkoortuani ilisimasalittut atorneqartarpoq, isiginnaagassianilu amerlassuni, ilaatigut TV2-mi "Presset ungdom" aamma DR1-imi "Venner igen" peqataanikuulluni.
Ulla Dyrløvip saqqummiinerani qallunaatuumit kalaallisuumut oqaluttaasoqarumaarpoq.