Sisimiuni Grønlandsbankenimi sulisut nammineq kajumissutsiminnik sulillutik unnuarissanik aallartitsipput, taakkualu kajumissutsimik suleqataat Mina Møldrup Sakariassen peqatigalugu suli suliffeqarfinnik innuttaasunillu nammineq kajumissutsiminnik unnuarissatut sulisinnaasunik kajumissaarerusupput.
- Aallarnisaanissami inuit 12-it missaat amigaatigaagut (aktive aamma passiv) aktivenik taaneqartartut tassaapput pisoqataasartut, Passivinillu taasakkagut tassaallutik tapersersuisut pisoqataanerlu ajortut. Unnuariaaneq ajornaattuaraavoq, illit nammineq aalajangersinnaavat qaqugukkut pisoqataasinnaanerlutit, piumasaqaataavorli meeqqanut pinerlissimannginnermut uppernarsaat, Mina Møldrup Sakariassen oqarpoq.
Qeqqata Kommuniani meeqqat peqqissusaannik misissuinermi inernerit ilaat meeqqat suli unnukkut pigaarpallaartarnerinik takussutissiipput, taamaattumillu Qeqqata Kommuniata kaammattuutigaa meeqqat sinilluarsimallutik atuariartortarnissaat.
- Isumaqarpunga unnuarissat illoqarfimmi ersialaartarnissaat meerartatta unnukkut nuannaarlutik toqqissillutillu aneertarnissaannut pingaarutilerujussuusut. Taamaattumik neriuppunga suliffeqarfiit allat imaluunniit innuttaasut ikinngutitik ilagalugit aamma peqataalerumaartut. Taamaasiornikkummi imaassinnaasoq meeqqat atuartussaatillutik angerlajaarnerusalernissaat aamma anguneqarsinnaasoq, Borgmesteri Malik Berthelsen oqarpoq.
Illiua illoqarfitsinni meeqanut inuusuttuaqqanullu toqqissisimatitsinissamik suleqataarusuttoq? Illiua allanngueqataarusuttoq? Unnuariaaneq ajornaattuaraavoq, illit nammineq aalajangersinnaavat qaqugukkut pisoqataasinnaanerlutit. Piumasaqaataavorli meeqqanut pinerlissimannginnermut uppernarsaat. Soqutiginnikkuit uunga attaveqarit: Mina Møldrup Sakariassen, oqarasuaat: 539742.