Tuttunniarnissamut umimmanniarnissamullu akuersissutinik qinnuteqarsinnaavutit ukununnga:
Tuttunniarnissamut, piniarfik 2-mi (Sisimiut-Kangerlussuaq)
Tuttunniarnissamut, piniarfik 3-mi (Maniitsoq-Akia)
Umimmannarnissamut, Maniitsup aqutsiviani (Kangerlussuarmi).
Sunngiffimmi allagartalinnut akuersissummik qinnuteqarneq pissaaq kommunip allaffiani Innuttaasunut sullissivimmut saaffiginnilluni.
Inuussutissarsiutigalugu allagartalinnut qinnuteqarneq pissaaq Sisimiuni Maniitsumilu aalisarnermut piniarnermullu siunnersortinut saaffiginnilluni aamma nunaqarfinni kommunit allaffiinut saaffiginnilluni.
Aamma sullissivik.gl -ikkut tuttunniarnissamut umimmanniarnissamullu akuersissutinik toqqaannartumik qinnuteqartoqarsinnaavoq.
Qinnuteqarnermi piumasaqaataavoq piniarnermut allagartaq 2025-imut atuuttoq. Piniarnermut allagartaq kingusinnerpaamik akilerneqarsimasoq 1. maj 2025.
Qinnuteqarnermi piumasaqaatit uku naammassineqassapput:
- Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
- Sunngiffimmi allagartallit ukiut kingulliit qulit iluanni ataannartumik ukiuni marlunni Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
- Qinnuteqartup 15-inik ukioqalereersimanissaa.
Erseqqissaatigineqassaq Sisimiut aqutsiviani umimmanniarnissamut akuersissummik qinnuteqartitsineq uani pineqanngimmat. Sisimiut aqutsiviani umimmanniarnissamut qinnuteqartitsineq pillugu immikkut nalunaaruteqarpugut.
Inussiarnersumik inuulluaqqusilluta
Qeqqata Kommunia
Juli 2025