Allaffissuup avataani ukioq manna 2025-mi suleqatitsialattut toqqarneqarput:
Ilaqutariinnut inerisaavik Maniitsoq, Najaaraq Røddik:
Sulisunut sumiiffinni arlariinni ingerlatsineq sapinngisannguani tamaasa pisinnaasani pikkoriffinilu atorlugit sulisunut atugassaqartitsivoq. Ataqatigiissinniarneri unamminassagaluaqisut, tassa arlariinnik ingerlatsinera pillugu, familiecenterimi sulisunut, Maniitsumi velfærdsområdemi sulisunut kiisalu boenhedimi meeqqanut inuusuttunut sulisunut ataqatigiissitsivoq, sumiiffik aallaavigalugu ingerlatsinera isumaqarpunga angusaq pitsaasumik suliffimmut tunniusimanini pillugit tunniussisoq sakkussanik pisariaqartinneqartunik.
Saaffigalugu tunniusimalluni iliuuseqapallattartuuvoq, imminut puigorluni saniatigullu ilinniarnermini pissarsiani sulisunut atugassatut ilisimalersimasani tunniussisinnaasarluni suleqatiminut.
Takkuttuaannartuuvoq suliffimmut tunniusimalluni qasusuilluni ingerlatsisarpoq, imminut tunulliulluni naak qasugaluarluni marloqiusamik aqutsisutut atorfeqarnermini upernaamiit nov. qaammat tikillugu ulapilluni ilungersorlunilu tunniussaqarpoq.
Minngortuunnguup Atuarfia Sisimiut, Pilúnguak´ Petersen:
Atuartut pitsaanerpaamik atugaqarlutik ineriartornissaannut ilinniartitsisunik, angajoqqaanik aqutsisunillu siunnersuinermik suliaqarpoq, tamanna atuarfiup ingerlalluarneranut annertuumik
toqqammaviliisuuvoq illoqarfitsinnut nalitooq. Suleqatit saaffigisinnaajuaannagaraat siunnersortigiuarpaallu.
Suleqatigiit ataatsimoorussaqarlutik ingerlanissaannik pingaartitsisuuvoq. Kateriffinni peqataalluartuusoq nuannaarnermik pingaartitsisoq. Suliat illoqarfitsinni suliniutaasunut tikkuussisarnermini angajoqqaanut nukittorsaatissanik suliniuteqartuuvoq, pisariaqartitatsinnut tappissuuvoq.
Suliani amerlasuuni kikkunnut tamanut saaffiginnittumik sulinermini tamanit attavigineqartarnera ersiutaavoq katersuuffiusarnera, nalorsarfimmi saaffigineqaqqaartarpoq iliusissamillu innersuussisinnaalluartarpoq.
Misilittagartugami tamatta pilluta sulivoq. Pilunguak´ atuarfimmi inerisaanermut annertuumik suliaqarpoq, piumaffigineqarnini sinnerlugu uummateqarfigalugulu sulisartoq ukiuni amerlasuuni peqatigaarput. Suliffimmik pingaartitsisuuvoq, ullaajuppat unnuppalluunniit assigiipput.
Qitiusumik allaffeqarfinnii ukioq manna 2025-mi suleqatitsialattut toqqarneqarput:
Teknikkeqarfimmi allaffimmiuuneq Maniitsoq, Arnavaraq Martinsen:
Ilisimaarinnittoq suliassaminut, ukiorpassuit sulisoq, inoqatiminut inissaqartitsisoq, qungujulasoq. Etagemi ataatsimoornermik nuannersuutitsiuaannartoq Teknikkeqarfimmi annertuumik ilisimasalik, sullitaminut sulisunillu. Aalajaatsoq, ilisimasartooq.
Inuk qiimasoq, nuannaartoq, sunaluunniit qungujulluni tigusarpaa. Ataatsimoortitsinernut peqataajuaannarpoq, suliani piffissaq eqqorlugu tunniuttarpai. Suleqat aalajaatsoq.
Teknikkeqarfimmi immikkoortumi aqutsisoq, Elisabeth Banemann:
Isumaqarpunga Elisebeth Banemann inuusoq kikkunnik tamanik inissaqartsitsisoq, aammalu ikiuerusussusilik tamanik, suleqatingiit tamatta ajunngitsumik angusaqarnissarput illersortuuaa.
Sapiunnani isummani annittarpai, aammalu takuneqarsinnaavoq qanoq ilisimasarpassui pikkoriffippassuilu suleqatigiittut nukittorsaataatinginersut Teknikkeqarfimmi.
Suliama kusanartumik inerneqarneranik pisooqataasoq ilinniartsitserusunnermigut. Inuuvoq qiimasoq pikkorilluinnartoq qiimmassaasoq ataqatigiisitsisoq aammalu proffisionalimik sulisoq.
Suliat inuttullu immikkoortilluinnarpai taamaakkamilu kinaassusersiorani suliani aallaavigalugit ingerlasoq proffisionalimik. Ineriartortuassagutta suliffeqarfimmi Elibethitut ittut amerlasuut pisariaqartippagut, pingaartumik kinguaariit nikeriarfiani.
Ukioqqortusereersimagaluarluni ulluinnarnut malinnaasuuvoq ullumikkumut naleqqussarluarsimasoq.
Tamattalu ilisimasarpassui misilittagarpassuilu tunniuttagai pinngitsoorsinnaanngilagut.
Elisebeth qujanaq Teknikkeqarfik nuannersuutikkakku qungujulallutit saaffigiuminarlutit ataqatigiisitsillutillu.
Ikiuukkumatunera nalunngilluinnarparput kajumissaarisarlunilu. Aalajaatsoq tatiginartuullunilu suliassami saniatigut sullissiumatooq.
Pisortaqatigiit Ukioq manna suleqatillatsialammik toqqaanissaminnut toqqammavissanik sisamanik aallaaveqarput, tassaallutik:
* Suliffimmi pitsaasumik atugassaqartitsineq
* Ataqatigiissitsisinnaassuseq
* Ikiuisinnaassuseq kajumissaarisinnaassuserlu
* Aalajaatsumik suleqataassusilik
Annertunerusumik paasisaqarusukkuit attavigiuk: Hans Christian Sværd, hcsv@qeqqata.gl