Akisussaaffimmik tigusivugut - aamma atuartuuniarneq ajornakusooraluarpalluunniit

Nalinginnaasumik ulluinnarni atuarnermut meeqqat ilaat ingerlalluarneq ajorput. Taamaattumik meeqqanut ilaqutariinnullu atuarniarnermik unamminartitsilersimasunut kommuni tapersersuiniarluni sulissuteqarpoq.

Meeqqat kisimiinnginnissaat qulakkeerniarlugu suliniutini arlalinnik ingerlataqarpugut – ataavartumik ineriartortittuakkatsinnik:

• Ilaqutariinnut klassi – atuarfik ilaqutariillu qanimut suleqatigiiffiat
• Atuarfinni siunnersortit – immikkut ilisimasaqarnikkut atuarfinnik tapersersuisut
• Isumaginninnermi siunnersortit – ilaqutariinnik ataatsimut isiginnittumik ikiorsiinissamik qulakkeerinnittut
• Ilaqutariinnik siunersioqatigiinneq – aaqqiissutissanik nassaarniarnissamut ilaqutaasut peqataaffigisaat
• Autismeqartunut atuarfimmik pilersitsineq – toqqissisimasumik naleqqussakkamillu ilikkarfissatut avatangiisit
• Klassimi aqqutissioqatigiinneq – suliniut nutaaq meeraq pillugu ataatsimoornermik nukittorsaasoq

Taamaattumik meeqqat atuariartortarnissaasa qulakkeernissaannut meeqqat atuarfiini arlalinnik suliniuteqarpugut.

Meeqqat tamarmik atugarissaarnissamut, ilikkagaqarnissamut aammalu isumaqarluartumik ulluinnaqarnissaminut pisinnaatitaaffeqarput. Atuarumannginneq ajornartorsiutaavoq imaannaanngitsoq, tassani piffissaqartitsinermik, paasinninnermik aammalu aaqqiissutinik eqaatsunik pisariaqartitsisoq. Taamaattumik meeqqat sumiiffiini naapinnissaannut aammalu ilaqutaat peqatigalugit ataatsimoorfimmut aqqutissiuinissamut kommunitut akisussaafeqarpugut., Ilinniartitaanermut ataatsimiititaliami siulittaasoq Evelyn Mølgaard oqarpoq

Atuarfimmi ingerlanerliorneq illuatungiinnarmit aaqqiivigineqarsinnaanngitsoq aamma erseqqissaatiginissaa kissaatigaarput. Meeraq pillugu inersimasut - atuarfik, angajoqqaat oqartussaqarfinnilu isumassuisut allat - tamarmik akornanni qanimut suleqatigiinnissamik pisariaqartitsivoq. Ataatsimut akisussaaffimmik tigusinermi, meeqqamut pitsaasumik periarfissanik pilersitsissaagut.