Kangerlussuup mittarfiata atorneqarnera tamanit takuneqarsinnaasumik annikillerujussuarsimagaluartoq, timmisartumik ilaasut amerlassusaasa kingulliit ersarissumik takutippaat, Kangerlussuaq suli pingaarutilimmik inissisimasoq. Tamanna siusinnerusukkut oqaatigineqartarsimasunut akerliuvoq. Tassami oqaatigineqartarnikuummat, Kangerlussuarmi Mittarfik taamaallaat nunatta iluaniit mittarfittut atorneqalissasoq imaluunniit allaat qulimiguulinnit mittarfinngortinneqarsinnaasoq.
Kisitsisilli allamik takutitsipput. Kangerlussuarmik suli tigussaasumik pisariaqartitsisoqartoq taakku uppernarsarpaat aammalu mittarfik suli nuna tamakkerlugu atortulersuutini ingerlasutut inissisimaffeqassasoq - inissisimaffeqartariaqartoq.
Taamaattumik Kangerlussuaq siusinnerusukkut katersuuffittut atuuffigisimasaminit isigineqaannarani kisianni takornariaqarnerup ilisimatusarnerullu iluani ineriartortitsinissamik ersarissumik isigineqarnermik namminerisamik tikitassatut qaffakkiartortumik salliutinneqarnissaa aalajangiisuuvoq.
Ilaasut ineriartornerisa politikkikkut aalajangiisimaneq taanna taperpaa, aammalu Kangerlussuaq katersuuffittut atuuffeqarani ukiumi siullermi takutinnikuuvaa, ilaasut 8.000 sinnillit anguneqarsinnaasut - taamaaliornikkullu naatsorsuutigisamiit qaffasinnerusumik qaffasissuseqarluni.
|
Mittarfikkaartumik nunanit allanit timmisartunut ilaasut |
2022 |
2023 |
2024 |
2025 |
|
Narsarsuaq |
4.374 |
5.931 |
5.997 |
4.333 |
|
Kulusuk |
4.256 |
4.713 |
5.359 |
4.032 |
|
Kangerlussuaq |
69.036 |
75.522 |
69.447 |
8.179 |
|
Nuuk |
5.263 |
6.220 |
11.306 |
93.753 |
|
Ilulissat |
1.748 |
3.187 |
3.816 |
3.242 |
Ilaasut ineriartornerisa saniatigut timmisartumik attartorlutik ilaasut takutippaat, Kangerlussuaq timmisartumik attartorluni paarlaattarfittut suli atorumaneqartoq, takuuk tabelip tullia.
Taamaattumik Kangerlussuup allanngornerata kingorna tikeqqaarakku Cafeteriap inuerussimanera aliasuutigisimagaluarlugu, assorujussuaq nuannaarutigivara Kangerlussuarmi aasaanerani ulapputtoqartoq takusinnaagakku.
|
Mittarfikkaartumik ilaasut tamakkiisut |
Angallavik |
Attartortunik angallassineq |
Katillugit 2025 |
|
Kangerlussuaq |
8.179 |
6.027 |
14.206 |
|
Narsarsuaq |
4.333 |
1.588 |
5.921 |
|
Kulusuk |
4.032 |
28 |
4.060 |
|
Ilulissat |
3.242 |
139 |
3.381 |
|
Nuuk |
93.753 |
3.627 |
97.380 |
stat.gl najoqqutarineqarpoq
Kisitsisit taakku qitiusumik aalajangiinissami tunngavissatut ilaasariaqaraluarput. Kangerlussuarmik politikkikkut salliutitsinissamik pisariaqartitsisoqarneranik taakku tikkuussipput - tikitassatut, aningaasaliiffigineqarnissamut aamma ungasinnerusumut pilersaarusiornissamut tunngatillugu.
Taamatut pingaarnersiunertaqanngitsumik nunap immikkoortuani ineriartortitsinermut nunalu tamakkerlugu soqutigisanut malunnaatilimmik immikkoortumik suli tunniussaqarsinnaasumik arajutsisaqartoqarsinnaavoq.
Annertunerusumik paasisaqarusukkuit attavigiuk
Malik Berthelsen
Borgmesteri
Qeqqata Kommunia
Tlf.Nr.: (+299) 86 73 00