Atuarfik Kilaaseeraq

Maniitsumi atuarfik atuartunut 440-it missaani 1.-10. klassinut inissaqarpoq. Atuarfittaaq 1. klassiniit 3. klassinut paaqqinnittaqarfeqarpoq. Atuarfik Maniitsup nunaqarfiisa atuarfiannut atassutaavoq ukuusunut, Kangaamiut, Atammik Napasorlu. Nunaqarfinniit 9. aamma 10. klassit atuarfiartortarput skolekollegiemilu taakku atuartuusarput. 

Atuarfik Kilaaseeqqap nutarsarneqarneranut suliniut 500032 atatillugu 2022-mi februaarimi atuarfimmik sanaartornermut ataatsimiititaliamik pilersitsisoqarpoq.

Atuarfimmi allaffeqarfimmit, atuarfimmik atuisunik, Ilinniartitaanermut immikkoortortamit kiisalu Teknikkeqarnermut Avatangiisinullu immikkoortortaqarfimmit ilaasortaafigineqartoq.

Atuarfimmik atuisunik peqataatitsilluni nutarsaanermut suliniutip sinaakkutaanik atuarfimmik sanaartornermut ataatsimiititaliaq ilusilersuisuussaaq. Ilinniartitaanermut ataatsimiititaliaq aammalu teknikkeqarnermut ataatsimiititaliaq atuarfimmik sanaartornermut ataatsimiititaliamut aqutsisooqatitut inissisimassapput.

Atuarfimmik sanaartornermut ataatsimiititaliamik pilersitsinermik kiisalu nutarsaanerup annertussusissaannut aalajangersaanermut Kommunalbestyrelsip suliarinninneranut imaqarniliaq tulliuttutut iserfissami uani aaneqarsinnaavatit:

ISERFISSAQ1

Atuarfimmik sanaartornermut ataatsimiititaliap ataatsimiittarnerini imaqarniliat tulliuttutut iserfissami aaneqarsinnaapput:

ISERFISSAQ2

Atuarfimmik sanaartornermut ataatsimiititaliaq sanaartornermut pilersaarummik suliaqareerpoq, atuarfimmik nutarsaanerup ingerlanneqarnissaanut sinaakkutissiisoq aammalu pilersaarusiornermut siunnersortinullu suliariumannittussarsiuussinissamut tunngaviliisoq. Sanaartornermut pilersaarut ilanngussartaalu tulliuttutut iserfissami aaneqarsinnaapput:

ISERFISSAQ3

Nutarsaanissamut atatillugu siunnersortinut suliariumannittussarsiuussineq tamanut saqqummiunneqarpoq, neqerooruteqartunilu Masanti ajugaasuulluni. Atuarfimmik nutarsaanissaq Masantimit pilersaarusiorneqassaaq aammalu atuarfimmik sanaartornermut ataatsimiititaliamik sanaartortitsisumik atuisunillu ataatsimeeqateqassalluni.

Pilersaarusiorneq ingerlanneqarpoq 2024-llu upernaata tungaanut ingerlanissaa naatsorsuutigineqarluni.

Ataatsimiinnernit imaqarniliat kiisalu siunissami imaqarniliassat iserfissakkut tulliuttutigut aaneqarsinnaapput:

ISERFISSAQ4

Masantimik sinnersortitut toqqaanermut atatillugu, pilersaarusiornermi Maniitsumi atuisunik annertunerusumik akuutitsinissaq siunertaralugu, atuarfimmi atuisunik workshoppertitsinissaq aalajangiunneqarpoq. Siullermeertumik workshoppertitsineq 9. marts 2023 ingerlanneqarpoq. workshoppertitsinermit nalunaarsukkat atortullu tulliuttutut iserfissakkut aaneqarsinnaapput:

ISERFISSAQ5

Maajimi aappassaanik Maniitsumi workshoppertitsinissaq pilersaarutaavoq, qanoq issutsimut nalunaarsuinerit aammalu atuarfiup nutarsarneqareernerata kingorna qanoq isikkoqarnissaanut titartagaagallartoq Masantimit saqqummiunneqassallutik. Aappassaanik workshoppertitsisoqareerpat, atortut uani aaneqarsinnaalissapput.

Atuarfik Kilaaseeqqap iluani silaannaap naammagittaalliuutigineqarnera tunngavigalugu, R&T rengøring-imit illup iluata silaannaa ataavartumik misissorneqartarpoq. Masanti illup qanoq issusaanik nalunaarsuisitsillunilu illup iluata silaannaanik nalunaarusiortitsinikuuvoq. Nalunaarusiat tulliuttutigut iserfissakkut aaneqarsinnaapput:

ISERFISSAQ6

Atuarfimmik nutarsaanissamut pilersaarummik utaqqitinneqarsinnaanngitsunik ajornartorsiutit assigiinngitsut iluarsiivigineqartussat misissuinernit takutinneqarput, piaartumillu iluarsartuussinerit aallartinneqarlutillu naammassineqarput. Suliarineqartuni ilanngunneqartut:

• Naqqup ataani sanaartornermi eqqakkat oqulersimasunik torersaaneq, naqqup ataanik silaannarissaaneq kiisalu milluaasumik mekaniskiusumik pilersitsineq.
• Oqaluffitoqqat tungaanut sammisumik oqoqarnera patsisaalluni matusigallarneq.
• Immikkoortumi portunerusortaani qaliamik ussissaaneq.
• Automatisk Brand Alarm-imik (ABA) pilersitseqqinneq
• Teknikkinut atortuusivimmi oquujaaneq kiisalu oqaluffitoqqap tungaanut sammisortaani pladenik asbestiusunik piiaaneq.
• Immikkoortumi portunerusortaani silaannarissarfinnik pujoralaajaaneq kiisalu silaannarissarfinnik pilersitseqqinneq.

R&T-mit misissuinerit ataavartut suli ingerlapput, suliassanillu iluarsartugassanik aallartitsisoqartarluni. Sulianut ingerlanneqarnikunut ataavartumillu iluarsartuussinernut aningaasartuutit sanaartukkanik nutarterinernut aningaasaliissutinit suliniut 500003-mit, atuarfimmik nutarsaanermut suliniut 500032-ip avataaniittukkut akilersorneqarput.

Masanti pilersaarusiornerminni illup ilassutaata qanoq ittuunissaanut atuarfimmillu nutarterinermut sinaakkutissanik pilersitsisuusussamik siunnersuutitut atugassamik suliaqarnikuuvoq. 26.05.2023 tungaanut oqaaseqaatinik nassiussinissamut periarfissaqarnikuuvoq mail-imut mijo@qeqqata.gl.
Oqaaseqaatit, iluarsiissutit pitsanngorsaatillu pissutigalugit siunersuutitut atugassamik ingerlatsinerup nalaani iluarsiisoqarnikuuvoq. Atugassat iluarsisallu iserfissami tullinguuttumi aaneqarsinnaapput. 04.08.2023 tungaanut periarfissaqarpoq atugassaq iluarsisamut oqaaseqaatinik nassiussinissamut mail-imut mijo@qeqqata.gl.

ISERFISSAQ7

Atuarfimmik nutarsaanermut tunngasunik apeqqutit uunga nassiunneqartassapput mijo@qeqqata.gl, apeqqutinullu akissuteqaatit nittartakkamut matumunnga ikkunneqartassallutik.

Paasissutissat kingulliit ikkunneqarput ulloq 21.11.2023