Aqquserngup ingerlaarfia nunamullu ornigulluni suliaqarnermi nalunaarusiat

Rambøll 2013-miit 2016 tungaanut misissueqqaarnernik arlalinnik ingerlatsinikuuvoq, Kangerlussuup tungaanittumiit Kellyville-ip aqq.-taaniit Sisimiunut aqqusinniortoqarsinnaaneranik siunnersuusiorsimallutik.

• (Danskisuinnaq) Aqqusinniornissamut A aamma B aakkit
• (Danskisuinnaq) Aqqusinniornissamut C aamma D aakkit

Nunamut ornigulluni misissuinernit arlalinnit aqquserngup ingerlaavia aallaaveqarpoq::

• (Danskisuinnaq) ATV nunamut ornigulluni suliaqarneq (I) (I)
• (Danskisuinnaq) ATV nunamut ornigulluni suliaqarneq (II)
• (Danskisuinnaq) ATV nunamut ornigulluni suliaqarneq (III)
• (Danskisuinnaq) NNunamut ornigulluni suliaqarnermi pinngortitaq pillugu nalunaarusiaq 2015 – 2016

Aqqusinniassamik itsarnisarsiornermi misissuinerit 200 meterimik nerutussusilimmik aqqummik misissuisoqarpoq, taamaalilluni nunamiittut itsarnisat aqqusinniornermi atortulersornermilu akornuserneqarsinnaasut sumiissusersissallugit.

Qeqqata Kommuniani Sisimiut Kangerlussuullu akornanni aqqusinniorneq qanoq sunniuteqarsinnaanersoq nalilerniarlugu, misissuineq ullunik qulinik sivisussuseqartoq tassa juulip sisamaaniit juulip 14-inut 2017-mi ingerlanneqarpoq. Aqqut siunnersuutigineqartoq 150 km-nik isorartussuseqassaaq, annertunerusumillu nunasiutit atorlugit assartuinermut atorneqassalluni (ATV'it) - ukiulli ingerlaneranni aqqusineq pitsanngorsarneqarsinnaalluni tallineqarsinnaallunilu.

Innersuussut:
Inatsisartut Inatsisaat nr. 11, 19. maj 2010-meersoq malillugu. Qanganitsat eriagisassat 1900-p siornaneersut tamarmik eqqissisimatitaapput, taakkununnga ilanngullugit illukut, nunaqarfikut, ilerrit iliveqarfikullu. Nunaannarmi ilerrit 1900-p kingornaneersut aammattaaq eqqissisimatitaapput. Appendix I-mi itsarnisat pillugit allattorsimavimmiittut najoqqutaralugit aqqusinniornermi innersuussutigineqarpoq:

• Itsarnisaq eriagisassaq ajoquserneqaqqusaanngilaq, allanngorneqarani nuunneqaranilu, 20 meterit ungasissuseqaqqaartinnani itsarnitsap eriagisap qanittuani suliaqartoqaqqusaanngilaq.
• Innersuussutt atuisinnaatitaasutut piginnittunit qaqugukkulluunniit piginnittuulersimaneq apeqqutaanani ataqqineqassaaq.
• Sanaartornermi itsarnisaq eriagisassaq suli suussusersineqanngitsoq nanineqassagaluarpat, tamanna ingerlaannartumik sanaartortitsisup Nunatta Katersugaasivianut Allagaateqarfianullu nalunaarutigissavaa, sulinerlu unitsinneqarluni itsarnisamut toqqaannartumik sunniuteqarsinnaammat. Taamaattoqartillugu Nunatta Katersugaasiviata Allagaateqarfiatalu aalajangersinnaatitaavoq, itsarnisanik misissueqqittoqartariaqarnersoq, § 13, imm. 2 takuuk, eqqissisimatitaasoqarnissaanilluunniit suliamik aallartitsisoqassanersoq § 5, imm. 2 takuuk.

Nalunaarusiaq Nutatta Katsersugaasivia - Tuluttuinnaq - Engelsk.