Eqqagassat inuttassarsiuunneqarnerat

Sisimiut illoqarfiani eqqagassat eqqagassaasinnaasullu Qeqqata Kommuniata nalunaarsornikuuai.

Inatsisartut peqqussutaat nr. 12, 1988-imi decembarip 22-aneersoq, inatsisartut peqqussutaatigut nr. 8, 2007-imi novembarip 15-ianeersukkut allanngortinneqartumi § 35c  inneersuussutigalugu, eqqagassaasinnaasut qaammatini pingasuni inuttassarsiuunneqareertillugit kommuni igitsisinnaatitaavoq.

Inuttassarsiuussineq tullinnguuttutut ingerlanneqassaaq:

Teknikkimut Avatangiisinullu Immikkoortortap saaffiginnittarfiani marpi saqqummiunneqassaaq, marpimilu tassani inuttassarsiukkat assitalersorsimallutillu paasissutissanik imaqartinneqassapput. Kikkulluunniit saaffiginnittarfimmut marpimik misissuiartorsinnaapput. Assit akornanni pigisaq ilisarineqarpat, piginnittutut ati allanneqarsinnaavoq. Kikkut piginnittuunersut kommunip ilisimanngimmagu, kommunip piginnittut attaviginiarnianngilai.

Ataasinngornikkut, marlunngornikkut tallimanngornikkullu nal. 10.00-imiit 14.00-ip tungaanut aamma sisamanngornermi 10.00-imiit 17.00-ip tungaanut saaffiginnittarfik ammasarpoq.

Qaammatit pingasut qaangiuppata, piginnittuusimasumut taarsiissutissartaqanngitsumik kommuni inuttassarsiuunneqarsimagaluanik igitsisinnaatitaavoq.

Nalunaarutip matumap tamanut saqqummiunneqarnerani inuttassarsiuussineq aallartissaaq, imappoq 2009-mi juulip aallaqqaataanit 2009-mi septembarip 30-ata tungaanut. 

Assip oqaasertaa: Pigisavit arlaanni tassunga assingusumik allagartaqarpat, egitassatut kommunimit nalilerneqarsimassaaq.

§ 35c. Kommunalbestyrelsip eqqakkanik igitsisarnissaq isumagisaraa aalajangiiffigissallugulu, stoffip suussutsilluunnit eqqagassatut naliliiffigineqartarnissaat. Biilinik, umiatsiaanik, umiarsuarnik, qamuteralannik suussutsinillu angisuunik assigisaannillu igitsinissaq aatsaat pisinnaasassaaq, taakkua sivikinnerpaamik qaammatini pingasuni inuttassarsiuunneqareeraangata.