Nunaminertanik atugassiisarneq

Nunaminertamik atugassinneqarnissamut qinnuteqartarnerup periusaa 2009-mi oktobarip 1-ianiit allanngortinneqarpoq.

Qinnuteqarneq qimmiliveqarnernut, angallatinik qaqitsisarnernut, nassiussat puuinut, nunaminertamik atuinermik allannguinissanut il.il. atuuppoq.

Oktobarip 1-ianiit qinnuteqartarneq kommunip nittartagaatigut elektroniskimik ingerlanneqartalissaaq. Taamaalillutit pappilissat immersugassaasarsimasut immersortarunnaassavatit.

Atortulli digitaliusut atorlugit atsiorsinnaalernissap atorneqarsinnaalernissaata tungaanut qinnuteqaatit assaannarmik atsiorneqartarnerat ingerlaannarallassaaq. Taamaattumik qinnuteqarnissamut immersugassat naqitsillugit anillatsinnissaat, kommunimullu nassiunneqannginnerminni atsiorneqarnissaat suli pisariaqartussaavoq.

Elektroniskimik immersuinissamut periarfissaqanngikkuit, imaluunniit immersuinissaq pillugu apeqqutissaqaruit, suli Teknikkimut avatangiisinullu immikkoortortamut saaffiginnissuteqarsinnaavutit.

Qinnuteqarnermut immersugassaq immersoruk uani - Imlt. nunaminertamik atugassiisarnermut tunngasut annertunerusumik uani takukkit.