Utaqqeqqissinnaanngilagut!
Kangaamiuni
Katersugaasivissaq pillugu taamak naatsigisumik oqartoqarsinnaavoq aammalu
Barnabas Larsen-ip taamak oqaatigaa
Kangaamiuni katersugaasiveqalernissaanik
kissaatigisaq piffissami sivitsortumi oqallisaanikuuvoq, ukiunilu qulikkaani
marlunngulersuni nunaqarfiup innuttaanut pitsaasumik eqqarsalersitsinikuulluni.
Maanna kiisami iluatsippoq.
Katersugaasivissaq nutaaq naatsumik
Niuertup
illua illulu mikisoq ujaraasoq B-87 aamma B-88 2011-MI apriilip aallaqqaataaniit
Maniitsumi Katersugaasivimmiit tiguneqarput. Tamatuma kingorna illut
ilusilersornissaanut ammarneqarnissaanullu piareersaaffiussaaq.
Kangaamiut
Katersugaasiviat Maniitsup Katersugaasivianik Kalaallit Nunaanni
katersugaasivittut akuerisaasuusumit immikkoortortaassaaq. Anton Larsen, aamma
Kangaamiuni sunngiffimmi pisortaasuusoq, Maniitsumi katersugaasiviup pisortaanik
suleqateqarluni immikkkoortortami akisussaasuusussatut toqqarneqarpoq. Anton
sapaatip akunneranut akunnerit tallimat missaani
katersugaasivimmiittassaaq.
Immikkoortortaq annetumik Kangaamiuniit
eqqumiitsulianik, assassukkanik oqaluttuanillu sammisaqarnerulluni
ilisarnaatigissava.