Sisimiuni Umiarsualiviup allilernissaani iliuuseqaqatigiinnissamik isumaqatigiissut marsip 16-ini tallimanngornermi Ineqarnermut, attaveqarnnermut angallannermullu Naalakkersuisoq Jens B. Frederiksen-ip kiisalu Qeqqata Kommuniani borgmesteri Hermann Berthelsen-ip atsiorpaat.
Iliuuseqaqatigiinnissamik atsioqatigiinnikkut Namminersorlutik Oqartussat Qeqqata Kommuniatalu akornanni suleqatigiissutissamut alloriarneq siulleq pilersinneqarpoq.
โIliuuseqaqatigiinnissamik atsioqatigiinnikkut Sisimiuni Umiarsualiviup allilernissaanut pingaarutilimmik nikeriaqatigiippugut. Umiarsualiviup allilernissaanik pilersaarummi taama annertutigisumi Namminersorlutik Oqartussallu torersumik oqaloqatigiissutigisinnaanerput nuannaarutigilluinnarpara. Sisimiuni Umiarsualivik illoqarfiup kommunittalu ineriartortuarnissaani pingaarutiliuvoq, taamaattumillu Namiinersorlutik Oqartussallu suleqatigiilluarnissarput pingaarutilerujussuulluniโ, iliuuseqaqatigiinnissaq pillugu borgmesteri Hermann Berthelsen taama oqarpoq.
Kommunip naatsorsuutigivaa, Sisimiuni umiarsualiviup allilernissaa tunitsivinnut, kilisaatinut takornarissallu umiarsuaannut 2013-ip aasaaneranut piareersimassasoq.
Iliuuseqaqatigiinnissamik atsioqatigiissut uani atuarsinnaavat.
ย