Sisimiuni kommunip umiarsualivittaava atoqqaartinneqarmat, sioqqat
manissarneqarsimapput erfalasulersorsimallutilu.
Illoqarfiup innuttai
kaffisoriartorlutillu kaagisoriartoqqusaasimapput, aliikkusersuisoqarlunilu.
Aggersaaneq inunnik untritillit arlalinnik tigulluarneqarsimavoq,
umiarsualivittaarnermilu nalliuttorsiualaarnermi
najuullutik.
Borgmesterip Hermann Berthelsen-ip umiarsuup
umiarsualivittaamut taleqqaartuusup takornarissanik angallassisup Sea Explorerip
naalagaa peqatigalugu qalersaq aappaluttoq
qiorpaat.
Taamaattoqannginnerani borgmesteri oqalugiarpoq, ilaatigut
kommunalbestyrelsiusimasut sapiiserlutik aalajangiisimanerat eqqaallugu, tassa
umiarsualiviup allissutissaata aningaasaliiffiginissaanik
kommunalbestyrelsiusimasup oktobarimi 2011-mi aalajangiissimammat.
- Tamanna
siunissamut aningaasaliineruvoq. Uangalu qularutiginngilara, aningaasaliissutit
suliassat annertusinerisigut suliffissanillu pilersitsiviuneratigut kommunimi
innuttaasunut tamanut amerlaninngungaarlutik uterumaartut, borgmesteri
oqarpoq.