Maniitsumi innuttaasut suleqatigiissitaat inissititerlutik ataatsimiinnermi siulittaasussamissut toqqarpaat Peter Poulsen.
Lauritz Kreutzmann siulittaasup tulliatut toqqarneqarpoq.
Peter Poulsen oqarpoq: ”Siulersuisuni ilaasortat pingasunik nutaanik ilapput. Nuannaarutigaara Miki Oxenvad aamma Minik Josefsen sassarmata qinigaallutillu. Inuusuttunik akoqalernerput isumalluaammernarpoq. Thomas Berthelsen utoqqartarileratsigu aamma nuannaarutigaara, taamaasilluta kinguaariinnut nutaanut ingerlatitseqqitassagut ikioqatigiilluta naammassiniartarumaaratsigit.”
Siulersuisut arfineq marlunnik ilaasortaqarput, taaneqareersut saniatigut tassaallutik Teera Grønvold aamma Marianne S. Møller. Elna Heilmann siulersuisunut qinigassanngorteqqinnani suleqatigiissitat ilaanni suleqataanini nangissavaa.
Borgergruppip suleriaasissaa iluatsillugu aamma nutarterneqarpoq. Aluminiliorfissuup Alcoa-p ukiuni makkunani tunuarternerata nassatarisaanik ullutsinni pissutsit tunngaviginerullugit suleriaasissaq nutarterneqarpoq.
Borgergruppi pillugu paasiniaavigineqarsinnaavoq siulittaasoq Peter Poulsen, e-mail peterak@greennet.gl, mobil: 52 33 21.