Maniitsoq nutaamik ikaartarfittaarpoq, tamatumuuna Issuatsiartarfiup qooruata eqqaani.
Borgmesterip tullia Gideon Lyberth oqarpoq ikaartarfik siamasissumik iluaqutaaniartussaasoq. Innuttaasunut asimut pisuttuarusuttartunut iluaqutaasussaavoq, takornarianuttaaq tikeraanullu. Pisuinnaat ikaartarfiannit aallartittumik pisuttuartarfiit nalunaaqutsersugaanissaat pilersaarutaavoq.
Suliniutissaq tamanna Maniitsumi takornariartitsinerup siuarsarneqarnissaanut ilapittuutaasussaavoq mikisoq, pingaaruteqartussarli. Pisuinnaat ikaartarfiat ersitsumik takussutissaavoq innuttaasut kommunillu atituumik suleqatigiinnerannut. Suliniut innuttaasuneersuuvoq kommunimillu naammassineqarluni. Peqataanerat pillugu borgmesterip tulliata ilaatigut qutsavigai utoqqaat peqatigiiffiat, Innuttaasut Suleqatigiissitaliaat aamma aqqusinilerisut. Immikkut ittumik qutsavigaa Pilersitsivik, tassani ilinniartut ikaartarfiliortuummata.
Atoqqaarfissiortitsinerup kingorna Oqaluffitoqqami kaffillerneqarpoq.
Inussiarnersumik inuulluaqqusillunga
Gideon Lyberth, borgmesterip tullia
Attavigisassaq: Gideon Lyberth, mobil nr. 52 04 52.