Suliffeqarfiit, peqatigiiffiit/kattuffit aammalu namminerlu kajumissutsiminnik peqataarusuttut pilersaarusiornermi peqataanissaannut kajumissaarusuppagut.
Illoqarfitsinni nunami saliinissaq Inuiattut Ullorsiortoqartinnagu pissaaq, ulloq 18. juni 2026.
Suliffeqarfiit, peqatigiiffiit aammalu kattuffiit ullormi nunami saliinissami peqataarusuttut ulloq. 10. juni nal. 12.00 nallertinnagu uunga mailimut nalunaareersimassapput,
nalunaarnermi immersugassaq uaniittoq immersorneqassaaq:
uikx@qeqqata.gl imalt. elsx@qeqqata.gl
Nalunaarnermi uku allaqqassapput:
• Suliffeqarfik/peqatigiiffik/kattuffik
• E-mail tlf. normulu
• Ataqatigiissaarisup aqqa
• Inuit qassit peqataassanersut
• Eqqakkat annertussusaat
Sisimiuni illoqarfimmi saliinissaq ataatsimoorluta peqataaffigisigu.
Imatut ikiuuttoqarsinnaavoq
Kommuni
Eqqakkat tigoorarneqassapput akeqanngitsumik. Nunami eqqakkanik assartuinermut ataqatigiissaarinermullu ikiuulluni.
Sumiiffinni puussiarsuarnik aaqqateralannillu tapersiilluni.
Suliffeqarfik
Suliffeqarfiup eqqaani ullormi saliffiusumi eqqakkanik saliilluni.
Pisariaqartitanut aningaasaliilluni tapersiilluniluunniit.
Peqatigiiffiit/kattuffiillu
Peqatigiiffiup/kattuffiup ilaasortaanut nunami saliisitsinermut peqataanissamut kaammattuilluni. Nunami/illoqarfimmi saleeqataagaanni sumiiffiit immikkoortuini ataatsimi 2000 kr.-nit akissarsiarineqarsinnaapput.
Nammineq kajumissutsiminnik peqataasut
Saleerusuttut puussiarsuarmik pissarsisinnaapput.
Sumiiffimmi ataqatigiissaarisutut suleqataalluni saleeqataallunilu.
Atuaqatigiit
Pinngortitami eqqakkat sunniutai pillugit meeqqanut inuusuttunullu qaammarsaaqataaneq.
Ullormi saliiffimmi saleeqataagaanni 2000 kr.-nit akissarsiarineqarsinnaapput. Sumiiffiit apeqqutaallutik eqqagassallu qanoq amerlatiginersut akissarsiarineqartut allanngorsinnaapput.
Saliinissamut peqataagitsi imaluunniit nammineq saliititsinermik aaqqissuussigitsi.
Suliassat
- Illoqarfimmi saliiffissat immikkoortunut agguarneqassapput.
- Eqqagassat katersat sumi ataatsimut katersorneqartassanersut nalunaarutigineqartassapput.
Sianerfissaq Elisabeth Sakariassen: 526623.
- Eqqakkat katersorneqartut akeqanngitsumik kommunip eqqaavissuanut apuunneqarnissaat isumagineqassaaq qulakkeerneqarlunilu.
Illoqarfiup immikkoortuini saliiffissat
Suliffeqarfimmi, peqatigiiffimmi/kattuffimmi namminerlu kajumissutsiminnik sulisinnaasut pilersaarusioqatigiivisa sumiiffimmi illoqarfiup immikkoortuini saliiffissat aggornernut agguataassavaat.
Soorlu assersuutigalugu, suliffeqarfiup eqqaani taamalu ungasinngisaani nuna eqqakkanik katersiffigalugu.
(Sisimiut qulaaniik assinga assitut ikkuteqqavoq).