Umiatsiaaqqanik, angallatinik, biilinik allanillu atortunik akuersissutitaqanngitsumik inissitanik kommuni nalunaarsuiguni, inuttassarsiuutassanut inissiivimmut pigisat nuunneqassapput:
- mingutsitseratarsinnaappata,
- avatangiisinut ajoqusersuutaappata,
- angallannikkut ajoqusersuutaappata
- illoqarfimmi kusanaallisaataappata
Pigisat Inuttassarsiukkat, qaammatini pingasuni inuttassarsiuussivimmiissapput.
Qaammatit pingasut qaanngiunnerini pigisat pillugit ataasiakkaanik saaffiginnissutinik kommuni tigusaqanngikkuni, akisunerpaamik neqerooruteqartumut pigisaq misillugu kommunip tuniniassavaa imlauunniit pigisaq eqqagassatut igissallugu.
Inuttassarsiuussilluni inissiivimmi pigisamik piginnittuusoriguit, illit innutaasutut Teknikkimut Avatangiisinullu immikkoortortamut saaffiginnissinnaavutit. Pigisaq pigisorigukku tunniunneqarnissaanut uku saqqummiutissavatit
- illit piginnittuuninnut uppernarsaat,
- aallereernerup kingorna pigisavit inissinnissaanut nunaminertamik akuerisaasimanermut uppernarsaammik takutitsineq
- pigisannik nuutsinermut inuttassarsiuussinermullu atatillugu kommunip aningaasartuutigisimasaanut akiliisimanermut uppernarsaamik takutitsineq
Qeqqata Kommuniata akigititaanik tigulaarineq:
pigisanik akuerisaanngitsumik inissitanik nuutsineq
Umiatsiaaqqanik, angallatinik minnerusunik, qamuteralannik il.il. nuutsineq pinerit tamaasa 1.650 kr.
Pigisat allat anginerusut soorlu biilit, quit il.il. - aningaasartuut malillugu.
Nunaminertanik atugassiisarneq pillugu
Nunaminertamik atugassinneqarsimatinnak nunaminertani pigisanik inissiinissaq inerteqqutaavoq. Arlaannik akuersissutitaqanngitsumik inissisimasoqarpat isumaqarpoq, nunaminertamik atugassinneqarnissamik imaluunniit arlaatigut inissamik akuerisaasumik peqannginneq
Nunaminertamik atugassinneqarsimaguit, nunaminertap torersuutinissaannut pisussaatitaaffeqarputit, nunaminertami nunaminertallu eqqaani.
Biilivit nummerpladia peerukku, paarinissaanut inissamik akuerisaasumik qinnuteqassaatit.
Umiatsiat umiatsiaaqqalluunniit nunamut qaqikkukku, nunaminertamik atugassinneqarnissamik imaluunniit umiatsiamik inissiinissamut inissamik attartornissamik qinnuteqassaatit.
Umiatsianik inissiinissamut inissanik attartornissamut, nunaminertamik atugassinneqarnissamut aammalu containerinut, biilinut il.il. inissamik attartornernissat Teknikkimut Avatangiisinullu immikkoortortami pissarsiarisinnaavat.
Apeqqutissaqaruit Teknikkimut Avatangiisinullu immikkoortortamut attaveqarnissamut tikilluaqqusaavutit.