Atuaqatigiinnut 5000 koruuninik eqquigit imaluunniit illit nammineq 5000 koruuninik eqquigit.
Eqqagassat pillugit paasititsiniaanermi Qujanaq-mi nutaami, aallartinneqaqqammersumi Qeqqata Kommunia kikkunnut tamanut neqeroorutissaqarpoq.
Taalliannguamik allagit
Unammisitsinermi erinarsuummut Qujanaq-mut Julie Berthelsen-imit atorneqartumut nutaamik taalliorluni allattoqartussaavoq. Kommunimi atuar it tamarmik unammisitsineq pillugu najoqqutassanik pissarsereerput, tassani meeqqat atuaqatigiiaanni tamaneersut peqataasinnaallutik.
Unammisitsinerit marluk ataatsikkut
Unammisitsinerit marluupput: ataaseq atuaqatigiiaanut aamma ataaseq kikkunnut allanut tamanut. Unammisitsineq Facebook-imi qupperneq Qujanaq aqqutigalugu ingerlanneqassaaq, tassani taalliamut nutaamut siunnersuutit ingerlaavartumik ikkunneqartassallutik. Unammisitsineq 10. oktobarimiit 16. novembarimut ingerlassaaq, aammalu ajugaasoq Julie Berthelsen-imit aamma Pinngortitamut, Avatangiisinut Nukissiuuteqarnermullu Naalakersuisoq Mala Høy Kúko-mit oktobarip naalernerani toqqarneqassalluni.
Eqqaavik atoruk
"Unammisitsinermi tamatta eqqakkavut pillugit eqqarsarnerulaalersinneqassaagut. Eqqaaviup atornissaa pingaaruteqarpoq, aammalu eqqakkat immikkoortitertarnissaat aamma pingaaruteqarpoq. Qeqqata Kommunia amerlanerit taamaaliortarput. Erinarsuut Qujanaq atorlugu kikkut tamarmik eqqagassaminnik peqqissaarussisut aammalu Kalaallit Nunaanni pinngortitamik paarseqataasut qutsavigerusuppavut", oqarpoq Borgmesteri
Herman Berthelsen, Qeqqata Kommunia.