2017-mi Sisimiut aqutsiveqarfiani ukiuunerani umimmanniartoqassanngilaq.
Maniitsup aqutsiveqarfiani ukiuunerani umimmanniarnissami piffissaliussat pisassiissutillu imatut aaqqinneqarput:
Piniarfik 1-mi inuussutissarsiutigalugu aamma sunngiffimmi piniarnermut allagartallit umimmanniarsinnaapput piffissami 10. januar 2017 – 10 marts 2017 – Piniarfik 1-mut umimmanniarnissamut akuersissummik qinnuteqartitsineq pissaaq nunaqarfinni kommunip allaffiinut aammalu Sisimiuni/Maniitsumi piniarnermut aalisarnermullu siunnersortimut saaffiginninnikkut. Qamuteralaat ATV-llu umimmannik malersuinermi piniarnermilu atornissaat inerteqqutaavoq.
Piniarfik 2-mut aamma Piniarfik 3-mut pisassiissutit killeqarmata inuutissarsiutigalugu piniartut umimmanniarnissamut qinnuteqartitsineq ingerlanneqareerpoq.
Piumasaqaataavoq piniarnermut allagartaq akilersimanissaa.