Ivigaaraasanik arsaattarfik
Ivigaaraasanik arsaattarfik arsaattarfitoqqami sioraasumi pilersinneqassaaq aammalu FIFA-malittarisassai malillugit inunnut aqqanilinnut titartagaalluni arsaattarfik 68 x 105 m angissuseqassalluni.
Arsaattarfik kaajallallugu ungaluliisoqassaaq. Ivigaaraasanik Unisport tunniussisuussaaq, taavalu toqqavissamik ungaluliinissamullu Permagreen suliaqartuussalluni.
Arsaattarfiup avannaatungaani nutaamik appakaaffissaliornikkut biilinut uninngasarfiit pitsanngorsarneqassapput.
Ivigaaraasat qalliutaasut plastictæppeuvoq qajannartoq, qamuteralannik aputaajaatinilluuniiit oqimaatsunik ingerlavigineqarsinnaanngitsoq. Taamaattumik siunissami arsaattarfik avaqqullugu qamuteralaat ingerlasalissapput.
Ivigaaraasanik ikkussuineq 2018-imi juunip naalernerani suliarineqassaaq, taavalu ungaluliinissaq suliassallu sinneri 2018-imi juulip arfineq-pingajuat tikitsinnagu suliarineqassapput, tamatumalu kingorna ivigaaraasamik arsaattarfimmi arsartoqarsinnaanngussalluni.
Naluttarfik
Sisimiuni qaqqap iluani naluttarfimmik sanansisamut A.P. Møller fornden 50 mio. koruuninik tunniussaqarnikuuvoq. Misissueqqaarnerit inernerat, taakkununnga ilanngullugu qaqqap pitsaassusaa quppaqartiterneralu apeqqutaallutik, annertussusissaa, ilusilersornissaa inissinnissaalu aalajangerneqassapput. Misissuinerit taakku 2017-imi aggustip 14-aniit 28-anut suliffeqarfimmit GEO-mit ingerlanneqassapput. Tamakkiisumik suliaqartussamut pilersaarusiornissamut suliariumannittussarsiuussinermut suliffeqarfik Verkis suliarinnissaaq. Aasaanerani misissuisoqareerneratigut, naluttarfimmut sanaartornissamut missingersuutinik suliaqartoqarsinnaanngussaaq.
