Sisimiuni Akia-ni najugaqarfissiamut ataatsimoorussamillu siunertanut kommunip pilersaarusiorfigineqarneranut tapiliussassatut nr. 19-utut siunnersuutip tamanut saqqummiussineq.
Kommunip pilersaarusiorfigineqarneranut tapiliussatut nr. 19-tut siunnersuut borgmesterimit akuersissutigineqarnikuuvoq aammalu 2017-imi decemberip 21-aniit 2018-imi februaarip 15-ita tungaanut tamanut oqallisissiassanngorlugu saqqummiunneqarpoq.
Sisimiuni Akiani immikkoortuni A26-mi aamma C15-imi ilaqutariinnut arlalinnut illunik orniginartunik, angallatinut inissiivilerlugu umiatsiaaqqanut talittarfinnik, pisiniarfinnik aammalu ulloq unnuarlu paaqqinnittarfimmut inissalerlugu periarfissiiniarluni pilersaarut suliarineqarpoq.
Najugaqarfissanut, pingaarnertut ilaqutariinnut utoqqarnullu inissianut nunaminertanik immikkoortitsisoqassaaq.
Immikkoortumi inissianik marlunnik quleriinnik sanaartornikkut annertusaanissap periarfissinnissaa, pilersaarummi siunertaavoq.
Nunaminertat eqqaani inissiat pioreersut isikkiviannik annertuumik sunniuteqaataanngitsumik, inissianik orniginartunik pitsaasunik isikkivilinnik pilersitsinissaq siunertaavortaaq.
Immikkoortoq ullumikkut
Immikkoortoq nunaminertami manissuinnangajammi, Kangerluarsunnguup eqqaani, pinngortitamit talittarfik pilersinneqartup kitaatungaani inissisimavoq. Immikkuualuttoq A26.1 tullinnguuttutigut kiisalu nunap assinga 1-imitut takutinneqartutut killilersugaavoq, 9.700 m2-llu missaanik annertutigaluni.
Nuna avammut-kujataanut ingerlasunik qaqqaqarluni, immap qaanit uuttorlugu 20-t missaani inissisimavoq, kujataatungaanilu Kangerluarsunnguup tungaanut ammut ingerlasuulluni. Immikkoortup kangiatungaani nuna kangerliumanerup tungaanut sivingavoq (pinngortitamit talittarfik pilersinneqartoq). Kitaatungaanilu sanaartukkat pioreersut Sarsuatsiivinnguup qulaa immap qaanit uuttorlugu 30-p missaani inissisimapput.
Tusarniaanermi akissuteqaatit uunga nassiunneqassapput:
Qeqqata Kommunia
Postboks 1014
3911 Sisimiut
Email qeqqata@qeqqata.gl
Oqarasuaat: 70 21 00
Tusarniaaneq tamaat uani atuarsinnaavat