Assilialiortoq atuakkiortorlu Linda Riber 1967-imi Maniitsumi inunngorpoq, anaanaa kalaaleq ataataalu qallunaaq.Uani saqqummersitami atuakkiaminilu saqqummiuppaa: ”Kalaallit Nunaat – nunarsuaq eqqarsaatigisatsitut ippoq”.
Linda Riberip ukiuni arlalinni Kalaallit Nunaat temaralugu/sammisaralugu eqqumiitsuliamini atortarpaa.
Suliami: ”Kalaallit Nunaat – nunarsuaq eqqarsaatigisatsitut ippoq” Lindap misissorpaa kalaaliussuseq aammalu unammillernartut qanoq annertutigisinnaanersut. Inuit 20-it imminnut kalaalitut isigisut apersorneri aallariarnertut atorlugit, ilaasut tamaasa assilivai, aamma kingumut qiviarnermik tungasumik aammalu assiliartalimmik atuakkamik saqqummersitsivoq
Projektip siunertaraa, qaaqquseriarluni sammisarineqartoq pillugu kingumut qiviarneq aammalu oqallineq, pissutigalugu kalaaliussuseq ingerlaavartumik allanngorarmat ineriartorlunilu.
Atuagaq saqqummersitarlu angalaartoq takuteqqaarneqarpoq Juli 2010-mi Katuami, Nuuk. Tassanili saqqummersitaq Islandimiinnikuuvoq, Savalimmiuni, Tysklandimi Danmarkimilu. Maannakkut Kalaallit Nunaanni katersugaasivinni angalaarpoq 2018 upernaap tungaanut.
Kalaaliussuseq ukiumi 2010-mi qanoq misigineqarpa qanorlu nalilerneqarpa?
Linda Ribe angalaqataanikuuvoq saqqummersitaq pillugu paasissutissiilluni, aamma kingumut qiviarneq aammalu oqallineq pillugu meeqqanut, inuusuttunut aammalu inersimasunut ingerlatinniarlugu.
Saqqummersitsineq 2018-imilu januaarip 31-a aallarnerfigalugu pingasunngornermi 9-16, sapaammilu nal. 11-16 ammasassaaq.