Qinersineq

Inatsisartunut qinersinissamut tunngassuteqartut tamaasa Naalakkersuisut nittartagaanni aamma takukkit.

Inatsisartunut qinersissagaanni qinersivimmi qinersinermut allattorsimaffimmi allasssimasariaqarpoq. Ullormi qinersivimmi nammineerlutit qinersivimmut qinersiartussaatit.

Taasiartorfissaq	Ini taasiartorfik	Taaguinermik siulersuisut
Maniitsoq	Katersortarfik	Søren Peter Olsen
Atammik	Innuttaasunik sullisivik	Lea Poulsen
Napasoq	Innuttaasunik sullisivik	Hansine Møller
Kangaamiut	Innuttaasunik sullisivik	Louisannguaq Rosing
Sisimiut	Taseralik	Juaannangnguaq Jensen
Itilleq	Innuttaasunik sullisivik	Hansa Olsen
Kangerlussuaq	Innuttaasunik sullisivik	Hans Davidsen
Sarfannguit	Innuttaasunik sullisivik	Aron Olsen

Kingusinnerpaamik 2018-imi marsip 13-aniit Kalaallit Nunanni aalajangersimasumik najugaqalersimaguit, qinersisarnermut allattorsimaffimmut ilanngunneqarsinnaavutit. Taakku saniatigut tullinnguuttut naammassineqarsimassapput:

- Qallunaatut innuttaassuseqassaatit (tak. Kalaallit Nunaanni Inatsisartunut qinersisarneq pillugu Inatsisartut inatsisaanni § 1).

- 18-inik ukioqalereersimassaatit (tak. Kalaallit Nunaanni Inatsisartunut qinersisarneq pillugu Inatsisartut inatsisaanni § 1).

- Kalaallit Nunaanni eqqartuussivimmit nammineersinnaajunnaarsitaasimassanngilatit (tak. Kalaallit Nunaanni Inatsisartunut qinersisarneq pillugu Inatsisartut inatsisaanni § 1).

Inatsisartunut aamma qinersisinnaavutit, tullinnguuttut peqqutigalugit Kalaallit Nunaata avataaniikkallaruit:

- Ilinniarneq
- Peqqinnermik peqquteqartumik
- Kalaallit Nunaanni qinigaallutit folketinngimi ilaasortatut suliguit
- Kalaallit Nunaanni Namminersorlutik Oqartussanut sinniisaaguit
Kalaallit Nunaata avataaniikkuit, ulloq qinersivissaq. kingusinnerpaamik sapaatit akunneri pingasut sioqqullugit qinersinermut allattorsimaffimmut ilanngunneqarsimassaatit.
Kommunip imaluunniit Nanoq-p nittartagaani qinersisinnaatitaanermut qinigaasinnaanermullu malittarisassat pillugit annertunerusumik atuagaqarsinaavutit.

Inatsisartunut qinersinissamut qinersisinnaatitaasunut qinersisinnaatitaanermut allattorsimaffiit Sisimiuni Maniitsumiluunniit sullissivinni imaluunniit Atammimmi, Napasumi, Kangaamiuni, Itillimi, Sarfannguanilu nunaqarfiit allaffiini kiisalu Kangerlussuarmi sullissivimmi nalinginnaasumik takuneqarsinnaassapput 2018-imi apriilip pingajuani sisamaanilu.

Kinaluunniit peqquteqanngitsumik allattorsimaffimmi ilanngunneqarsimasorinngitsoq imaluunniit ilanngunneqarsimanngitsutut isumaqartoq, apriilip tallimaani aamma arfernani qinersinermi siulersuisunut allakkatigut naammagittaalliorsinnaavoq.
Qinersineq qinersinermi immersugassami partiimik qinigassanngortittulluunniit aqqanik krydsiliinikkut ingerlanneqassaaq.