Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27, 28. november 2016-imeersumi §57, imm. 3 naapertorlugu Qinersinermik siulersuisut imatut nalunaarutigineqarpoq
Nunaqarfinni Aqutsisunut naammaqqutissamik qinersinissaq aalajangerneqarpoq
marlunngorneq 21. august 2018 nal. 09.00-miit 20.00-mut pissasoq
taamaalilluni Nunaqarfinni Aqutsisunut naammaqqutissatut qinigas¬sanngortinniarluni nalunaarnissaq marlunngorneq 7. august 2018 nal. 12.00 killeqarluni.
Qinigassanngortitanik nalunaarutit Kangerlussuarmi taagui¬nermik siuler¬suisumut tunniunneqassapput.
Kangerlussuarmi kommunip allaffiani Inuit allattorsimaffianni nunaqarfinnilu Qeqqata Kommunianilu kommu¬nip al¬laffiini allakkatigut taasisoqar¬sin¬naavoq.
Nunaqarfimmi aqutsisunut qinersisinnaatitaavoq kinaluunniit kommunalbestyrelsimut qinersisinnaatitaanermut piumasarisaasunik eqqortitsisimasoq, aammalu qinersinissaq kingusinnerpaamik ullunik 14-nik sioqqullugu nunaqarfimmi aalajangersimasumik najugaqarsimasoq.
Kingusinnerpaamik qinersinerup ulluani 18-inik ukioqalereersimassaaq. Soorunalumi qinersisinnaa-sut allattor¬simaffianni ilanngunneqarsimassalluni.
Qinersisinnaasut allassimaffiisa saqqummiunneqarnerat
Kangerlussuarmi qinersisinnaasut allassimaffii saqqummiunneqassapput Kangerlussuarmi Sisimiunilu kommunip allaffiini Inuit allattorsimaffianni ulluni 3. august. aamma 6. august 2018.
Kinaluunniit nammineq allaluunniit, qinersisinnaasut allassimaffiannut patsiseqanngitsumik ilanngunneqanngitsoorsimasorigunik, imaluunniit ilanngussimasorigunik, allakkatigut assuarliuteqarsinnaavoq, assuarliummi patsisaasut naatsumik oqaatigalugit.
Assuarliut qinersisinnaasut allassimaffiata saqqummiutereerneratigut, kingusinnerpaamik ulluinnaat marluk qaangiunnerini qinersinermik siulersuisunit tiguneqareersimassaaq.
Qinersinermik siulersuisunit taaguinermik siulersuisutut toqqarpaa
Hans Davidsen
Taasisitsivissaq:
Kangerlussuarmi kommunip allaffia
Nunaqarfinni aqutsisunut qinersinermi qinersisussat allassimaffiisa saqqummiunneqarnerinik nalunaarut
Qeqqata Kommuniani qinersinermik siulersuisut
31. juli 2018