Angajoqqaanngortussat angajooqqaallu naapittarfiata siunertaraa, angajoqqaanngortussat angajoqqaanngorlaallu imminnut avitseqatigiinnermikkut perorsaanikkut siunnersorneqarnissamut sakkussalersorneqarnissaq, kiisalu peqqinnermut tunngassuteqartunik paasissutissiissuteqartarnissat ilitsersuisarnissallu.
Peqataasussat naatsorsuutigissavaat sammisaqarsinnaallutik aammalu soorlu perorsaanikkut isumassarsiorfiusinnaasunik meeraaqqallu naarmiuunerminiik peqqinnikkut pisariaqartitai eqqartorneqartassallutik. Meeraaqqap nerisalernerani, kapitiffissaani, kigutigissartalernerani, toqqammavilerneqarneranilu eqqumaffigisassat tikinneqartassapput.
Pingaartipparput takkuteqqaarnerni nipangiussisussaatitaanermut atsiortitsinissaq. Takkuttartut iluminni oqaaserisatik pigiinnarniassammatigit, aammalu tamanut peqataaneq toqqissisimaffiussammat.
Naapittarnerit pisassapput sisamanngornerit tamaasa Ilaqutariinnut Kiffartuussivimmi, Mannarsip aqq. 14 nal. 13:00 – 15:00.
Peqataaniartut aggiinnartassapput kalerreeqqaaratik, naapinneq siulleq pissaaq: 6. september 2018.
Peqataasinnaapput angajoqqaanngortussat, angajoqqaat arfineq pingasunik qaammatilimmik tikillugu meeraateqartut, angajoqqaat tamarmiullutik, angajoqqaat kisimiittulluunniit.
Naapittarfimmi ingerlatsisuussapput Ilaqutariinnik kiffartuussivimmi perorsaasut aammalu napparsimavimmiit meeqqerisut.
Naapittarnerni tumannguersaatinik peqqinnartunik sassaallertassaagut.
Lise O. Simonsen & Akisôk’ L. Frederiksen, Perorsaasut
Vera Hansen & Kathrine Olsvig Kleist, Meeqqerisut