Inuit innarluutillit amerlanerusut suliffeqalernissaat suliniutip siunertaraa.
- Suliniut una nutaaq pissanganartuuvoq, innuttaasunullu ataasiakkaanut iluaqutaassasoq upperaara. Innuttaasugut innarluutillit pitsaasumik sulisinnaanerinik periarfissaqarnissaat, kommunimit pingaartinneqarpoq, Ilaqutariinnermut ataatsimiititaliami siulittaasoq Hans Frederik Olsen oqarpoq.
Suliniut suliniuteqqaataavoq aammalu Qeqqata Kommunianut tamarmut iluaqutaassalluni. Suliniut suliaasimasut malillugit sulinerussaq, tassuunakkullu innuttaasoq innarluutilinik sulinermini sunik unammillernartunik misigisaqartarnersoq paasineqassalluni.
- Siunissami atorsinnaasatsinnik immikkoortumi ilisimasanik misilittakkanillu nutaanik pilersitsinissaq pingaartorujussuartut isigivarput. Sulisoqarnermut inatsimmut atatillugu malittarisassanik tammartajaarnartulerujussuuvoq, innarluuteqaruillu suliffimmi ataannarnissaq ajornakusoorsinnaalluni. Taamaattumik neriuutigivarput, ilisimasanik pingaarutilinnik suliniut una pilersitsissasoq, suliniummik aqutsisuusussaq, Tilioq-mi Suliniutini suleqataasoq Anna Ida Hallgaard Jonsson oqarpoq.
Suliniut inunnik pingitsaaliilluni sulilersitsissanngilaq, kisianni suliffeqarnermik ammasumik pilersitsissalluni, taamaalilluni inuit innarluutillit nammineq kissaatitik malillugit inuiaqatigiinnut tunniussaqarsinnaanissamut periarfissinneqassallutittaaq.
Innuttaasut innarluutillit amerlanerusut sulilersinnerisigut, inuunermut pitsaanerusumut aamma imminut aalajangernerusinnaanermut inunnut ataasiakkaanut tunngavissiisoqassaaq.
Suliniutip iluatsissinnaaneranut piumasaqaataavoq, Qeqqata Kommuniani suliffeqarfiit sulisitsisullu inooqataanermut akisussaaffimmik tigusinissaat, suliffinnik eqaatsunik pilersitsinissaat aammalu inuit innarluutillit atorfinitsinnissaannik naleqarneranik takunninnissaat.
Siunissami Kalaallit Nunaanni sumiiffinnut amerlanerusunut suliniutip siammarnissaa eqqarsaaaavoq.
Annertunerusumik paasissutissat
Hans Frederik Olsen: 25 70 67
Anna Ida Hallgaard Jonsson, Tilioq: 34 50