Qinnguata Atuarfiani atuartut naammassisut pinngortitalerinermi, matematikkimi qallunaatoornermilu allattariarsornermi pitsaanerpaamik karakterillit sisamaanni inissipput. Suli kalaallisoornermi pitsaaneruvoq, tassani Qinnguata Atuarfik karakterini pitsaanerit pingajuanni inissikkammik. Kangerlussuarmi atuarfik tuluttoornermut agguaqatigiissitsinermi nunatsinni annerpaamik inissippoq. Tassalu minnperpaamik fagini pingaarnerni tallimaasuni, atuarfiit tamarmik misilitsissutigisartagaanni, agguaqatigiissillugu qaffasinnerpaat sisamaattut inissillutik,
Ilinniartitaanermut, Peqqinnermut, Sunngiffimi sammisanut Kultureqarnermullu ataatsimiititaliami siulittaasoq Evelyn Frederiksen kalaallisoornermi tuluttoornermilu karakterinut pitsaasunut immikkut pikkuginnippoq. Qeqqata Kommuniani oqaatsinik ilinniartitsineq ukkataraarput aammalu tuluttoorneq 1. klassimiit aallartittalernikuullugu. Kisianni kalaallisoornermi tuluttoornermilu pikkorinnissap akornanni imminut akerleriissutaasinnaasunik takusaqarsinnaanngilagut. Tamanna Qinnguata Atuarfiata takutippaa.
Qinnguata Atuarfia atuarfiup angerlarsimaffiullu akornanni nukittuutut suleqatigiinnerat Borgmester Malik Berthelsen nersualaarpaa, tassani angajoqqaajusut Birk Eli Bakker-ip Kangerlussuarmi atuarfik pillugu nersualaarinneqataalluni. Atuartut ilinniaqqiffinniilernissaanut aamma ilinniartitsinerup inerisarneqarnissaanut taamaalilluni nutaanik pilersitsisinnaalluni pissanganartuusinnaaneranullu atuartut piareersarneqarnissaanut Qinnguata Atuarfiata aamma pikkoriffigivaa. Nalaatsorneriinnaanngilaq 2017-imi Kangerlussuarmi atuarfik nunatsinni pitsaanerpaamik karaktereqartitsinera.