Silap allanngujaannera, illersornissaqarfiup timmisartuutai, illersornissaqarfiullu suliassaatai eqqarsaatigalugit Illersornissaqarfik taamatut naliliisimaneranik, forsvarsministerip Claus Hjort Frederiksen-ip tunngavilersuuteqarnera borgmesterip pingaartumik maluginiarpaa.
Timmisartuliortartut, takornarialerisut, umiarsuarnik takornarialerisut, ilisimatusartullu assinganik oqaaseqartut, Malik Berthelsen-ip erseqqissaatigaa. Tamarmik Kangerlussuaq suli atorusuppaat.
Malik Berthelsen-ip paasivaa, mittarfiup nutarterneqarnissaa pillugu ukiuni kingullerni ingattarserluni siunnersuutinut missiliuutinullu sanilliullugu, DTU-p mittarfimmik nutarterinissaq 100-200 mio. koruuninik naleqarnissaanik naliliisimanera piviusorsiornerunerarlugu Illersornissaqarfik naliliisoq.
Kangerlussuup, Qeqqata Kommuniatalu siunissaat ernumanarunnaariartorsorivara. Kangerlussuup Mittarfiata tigunissaanut piareersimavugut, soorluttaaq Kangerlussuup Sisimiullu akornanni aqqusinniornikkut attaveqaatinik pitsanngorsaanissatsinnut piareersimavugut. Tamanna pillugu Illersornissaqarfimmik Naalakkersuisunillu suleqateqarnissatsinnut qilanaarpunga, borgmester Malik Berthelsen naggasiivoq.
Challenger timmisartoq Kangerlussuarmi (Arktisk Kommando-ip atugaata assiga)
