Kangerluarsuk tullermi ikuallattoq suli qatserisartunit qamisarneqarpq, sivisuumillu siallernikuunngimmat, innuttaasut/pisullutik angalasut nunap timaani innermik atuinnginnissaannik kajumissaarneqarput. Nerisassiornissamut killut atussagaanni, nerisassiornissamut killut eqqaat assanneqassaaq killullu eqqaani imermik piareersimasoqartitsisoqassalluni, taamaalilluni ikuallattoqalissagaluarpat qamitsisoqapallassinnaassalluni.
Aammattaaq tulliuttut eqqumaffigineqassapput:
- Eqqagassaatit pinngortitami ikuallanneqassanngitsut.
- Eqqagassaatit illoqarfimmukaanneqassasut, pingaartumik eqqagassat igalaamerngit/ikuallassinnaasut.
- Killutigut iganermi mianersortoqassasoq.
- Pisariaqanngitsumik pinngortitami ikumaartitsisoqassanngitsoq.
- Sikaritsit kimmivikui pinngortitamut iginneqassanngitsut.
- Igalaamernit aseqqukut pinngortitamit katersorneqassasut
Kangerluarsut tullermi nunamik ikuallattumik maanna qaammat sinnerlugu ikuallareersumik suliaqarnerup kingunerisaanik qatserisut qasoqqapput. Nunami nutaamik ikuallattoqalissagaluarpat, ikuallattumut qatserinissamut nukkissat/atortussat qatserisussallu killeqarput, kangerluarsuk tullermi nunami ikuallaneq ukkatarineqarmat.
