Suli ulluni sisamani-arfinilinni upalungaarsimanermik suliallit marluk (qatserisartoq ataaseq namminerlu kajumissutsiminik sulisoq ataaseq) taakani nakkutilliigallassapput, tamanna pillugu Kangerluarsuk tullermut atortorissaarutinik qimatsisoqarnikuuvoq ikuallattoqalissagaluarpat sukkasuumik qimagutipallassinnaaniassammat. Kisianni qaqqap qaavani ikuallattoq qamitsissutinik anguneqarsinnaanikuunngitsoq sapaatip akunnerata naanerani sialummit qamippoq - nunalu tamanna nakkutigineqarpoq.
Tamanna ima isumaqarpoq, pisullu aqqut Arctic Circle Trail (nalinginnaasoq) avannaata-tungaanut ingerlasoq ammaqqittoq, kisiannili nunaannarmi innermik ikitsinissap mianersuunneqarnissaa piumasarineqarluni, suli nuna panertorujussuummat.
Tamanna ima isumaqarpoq tulliuttutut allaqqasut malinneqassasut:
- eqqagassaatit pinngortitami ikuallanneqassanngitsut.
- eqqagassaatit illoqarfimmukaanneqassasut, pingaartumik eqqagassat igalaamerngit/ikuallassinnaasut.
- killutigut iganermi mianersortoqassasoq.
- pisariaqanngitsumik pinngortitami ikumaartitsisoqassanngitsoq.
- sikaritsit kimmivikui pinngortitamut iginneqassanngitsut.
- igalaamernit aseqqukut pinngortitamit katersorneqassasut.
