Aqqusinernik, pisuinnaat aqqutaannik majuartarfinnillu tamanit atugassiani Qeqqata Kommunia aputaajaasussaatitaavoq. Aqqusinermi nunaminertamik atugassiiffiusumut kingulliup tullianut aqqusinermut appakaaffissaq aqquserngit tamanit atugassiaasut tikillugu imaqarput.
Aqqusinernut tamanit atugassianut, pisuinnaat aqqutaannut aputaajaasarnissaq, entreprenørinut namminersortunut Qeqqata Kommunianit suliassanngortinneqarnikuuvoq.
Qeqqata Kommunia aqqusinernik nakkutilliisussaatitaavoq, aputaajaanermullu tunngassuteqartunut saaffiginnissutit tamarmik Qeqqata kommunianut ingerlanneqartassapput.
Aqquserngit tamanit atugassiat tamarmik immikkoortunut marlunnut agguataagaapput (aqquserngit pingaarnerit, aqquserngillu pingaannginnerit). Tulleriaarineq taanna malillugu piaarnerusumik aputaajaasoqartarpoq. Taamaattumik aqquserngit minnerusut aputaajarneqartarnerat utaqqinalaarsinnaasarpoq.
Aqquserngit tamanut atugassianit atortut qanittumi inissisimasut (aqqusinermut pisuinnaat aqqutaaniilluunniit 5 meterit iluanni) tamarmik ersarissumik nalunaaqutserneqarsimassapput. Atortut nunaminertamik atugassiinermik pisariaqartitsisut, atugassinneqarsimassapput.
Aputaajaanermi ajoqusikkat, erseqqissumik nalunaaqqutserneqarsimanngitsut, taarserneqassanngillat.
Atortuni ersarissumik nalunaaqutseqqasuni ajoqusiinerit, ingerlaannartumik Teknikkimut Avatangiisinullu immikkoortortamut oqarasuaat 52 66 22 imaluunniit sis.otm@qeqqata.gl atorlugit nalunaarutigineqassapput. Ajoqusiineq ingerlaannartumik nalunaarutigineqartinnagu, Teknikkimut Avatangiisinullu immikkoortortaq ajoqusikkamut taarsiinissamut itigartitsissuteqarsinnaavoq.
Sikkilit, aneerussiviit, qamuteralaat, umiatsiat assigisaallu aqqusernup sinaanut ilineqarsimasut aputaajaatini aquttunit takuneqarsinnaanissaat naatsorsuutigijuaannarsinnaanngikkipput maluginiaqqussavarput. Aamma taamatut pisoqarsimatillugu ersarissumik nalunaaqqutserneqarsimatinnagit ajoqusersimasunik taarsiiffigitinnissaq naliginnaasumik ilimagineqarsinnaanngilaq.
Tamanut aqqusinernik aputaajanermut atatillugu namminerisamik illut tungaannut aqqutit, qamutit isaaffiat, pisuinnaat aqqutaat imal. majuartarfiit nivannerlukunik asserneqarpata, taakkuninnga piginnittoq atuisorluunniit nammineq akilikkaminik nivannerlukut peernissaat isumagissallugu pisussaavoq.
Aputaajaanermut apeqqutissaqaruit oqaaseqaatissaqaruilluunniit, Teknikkimut Avatangiisinullu immikkoortortamut attaveqarnissannut tikilluaqqusaavutit.
Aputaajaanermut ajoqusiinermut il.il. tunngatillugu saaffiginninnerit oqarasuaat 52 66 22 imaluunniit sis.otm@qeqqata.gl aqqutigalugit pissaaq.
Inussiarnersumik inuulluaritsi
Teknikkikkut Avatangiisinullu Immikkoortortaqarfik