airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi angallatit biilit allallu atortut inuttassarsiuutat

Qeqqata Kommuniata Maniitsumi Sisimiunilu biilit, containerit, umiatsiat allallu atortut inuttaqanngissorisat nalunaarsullattaasarpai.
28. november 2019
Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq naapertorlugu kommunip pequtit inuttaqanngitsut peersinnaavai, sivikinnerpaamik qaammatit pingasut inuttassarsiuunneqareerpata.

Biilit, containerit imaluunnit allat avatangiisimut angallannermullu ajornartorsiutaasinnaasut, imaluunnit illoqarfimmut kusanaallisaataappata, kommune inuttassarsiuisinnaavoq pequtillu nunaminertamut allamut nuullugit.

Inuttassarsiuineq ingerlanneqassaaq pequtit assitalerlugit nassuiaaserlugillu mappemut ilioraanikkut, taannalu Teknikkimut Avatangiisimullu immikkoortortaqarfimmi takuneqarsinnaavoq, aammalu Qeqqata.gl-ikkut. Kikkut tamarmik teknikkeqarfimmut alakkaasinnaapput, ilisarisaqaraannilu pequtimik piginnittutut allallugu nalunaarsinnaallutik.

Mappe misissoriartorneqarsinnaavoq ulluni piffissanilu ukunani:
Kommunip ammanerani ataasinngorneq, marlunngorneq, sisamanngorneq aammalu tallimanngorneq nal. 10:00-miit 15:00-mut.

Inuttassarsiuussineq qaammatit pingasut ingerlareerpata, kommunip pequtit inuttarsinngitsut piissavai imaluunnit tuniniarlugit, piginnittukumut taarsiinertaqanngitsumik. (27. februar 2020)

Inuttassarsiuussani piginnittuuguit kommunip allaffianut ornigullutit saaffiginnissinnaavutit imaluunnit allakkatigut nalunaarutigalugu.

Qeqqata Kommunia
Posbox 100
Området for Teknik & Miljø
Kuutartoq 8, B-1077912 Maniitsoq