airplanebooksbriefcase business cogs cross election entertainment fish house law lockmedicalpeopleselfservices socialtax

Nike Berthelsen Qeqqata Kommuniani Atugarissaarnermut Pisortaanertut atorfinittussanngorpoq

Nike Berthelsen Atugarissaarnermut pisortassatut atorfinitsitsinissamut ataatsimiititaliami ilaasortanit tamanit piukkunneqarnerpaalluni toqqarneqarpoq.
4. februar 2020

Atorfinittussanngortup meeqqat inuusuttullu inuulluataarnissaannik suliaqarneq pingaartittorujussuuaa, ukiunilu kingullerni pingasuni Kalaallit Meerartaanni allatseqarfimmi aqutsisuunermini qitiutissimallugu. NGO-nik kommuninillu allanik suliniutinik annertunerusunik suleqateqarnermi aallarnisaanissaq immikkut suliarisimavaa.

Maannalu tassa Nike Berthelsen Qeqqata Kommuniani atorfinittussanngorpoq, suliniutinillu aqutsinermik misilittagaqarnera suliniutit allat iluaqutigissavaat.

Nike Berthelsen atorfininnisani pillugu ima oqaaseqarpoq:
”Suleriaatsinik nutaanik aallarnisaanissara, suliffimmillu allanngorartumik pilersitseqataanissaq qilanaaraara. Kiisalu kommunimi tamanut atugarissaarnerulersitsinissaq. Ilaquttakkalu Qeqqata Kommuniani ilaalernissarput qilanaaraarput.”

Juliane Henningsen, Kommunimi pisortaaneq ima oqaaseqarpoq:
”Nike Berthelsenip pisortaqarfimmut tikilluaqqunissaa qilanaaraara. Atugarissaarnissaq politikeritsinniit salliutinneqarpoq, taamaattumillu meeqqat inuusuttullu inuunerminni aallartilluarnissaannut malunnaatilinnik sakkussanik immikoortitsisoqarnikuuvoq. Taamaalillutik meeqqat inuusuttullu inuiaqatigiinni siunissami nukittullutik inooqataanissaat qulakkeerniarneqassalluni. Nike sulianut arlalinnut suleqatigiinnermi inerisaaqataallunilu nukittorsaaqataassaaq, atugarissaarnnermut immikoortortarmi anguniakkagut piviusunngortissallugit.”

Nike Berthelsen martsip aallaqqaataanit atorfinissaaq.