Sooq timit aalatittarpiuk?
Peqqinnissara pingaarteqaara aammalu timersornikkut siuariartornissaq pillugu timersortarpunga.
Timinnik aalatitsinippit nalaani kingornalu qanoq misigisimasarpit?
Timersornerma nalaani misigisimasarpunga suli pitsaanermik angusaqarusukkuma ippassamit suli torraanermit sukataarnerullunga sungiusartariaqarlunga. Timersoreernerup kingorna kaattarpunga, nerereeraangamalu imminut naammagisimaarnerullunga misigisarpunga.
Sapaatip akunneranut qasseriarlutit timersortarpit?
Sapaatip akunneranut arfinileriarlunga timersortarpunga.
Illup iluani silamiluunniit timersortarpit? Toqqakkat tunngavilersoruk sooq taanna toqqarnerlugu.
Silami sisoraatinik arpaatit atorlugit illullu iluani timikkut nukkassartarpunga. Sisoraatinik arpattarpunga timersuut taanna nuannernerpaatut uanga isigigakku.
Sunik ullaakkorsiortarpit suullu ullaakkorsiutiginaveersaartarpigit?
Itiinnarlunga imeq immiartorfik angisooq siullerpaatut aarloruttarpara. Issingiassat igallugit iganagilluunniit ullaakkorsiutigisarpakka, akuulaarlugit naatitanik. Sunngiffinni kaffisortarpunga, rundstykkit immussualerlugit manniillu. qaqortuliat Immulertakkalt sukkoqavataartut inuussutissaqarpianngitsut ullaakkorsiutiginaveersaartarpakka.
Ualikkut kaagimut taarsiullugu suna ualikkorsiutigineqarsinnaava?
Fuldkornspoor’lut, gulerøddit, qaqqortarissat assigiinngitsut sukkulaammik taartumik akullugit.
Peqqinnissat eqqarsaatigalugu viitamiinitortarpit? Pisaruit sooq taakkua?
Maximum mineral vitamininik akullit pisarpakka, qulakkeerniarlugu inuussutissat tamakkerlugit vitamiinit pisarusukkakkit. Aammalu fiskeolie iisartakkat pisarpakka meeqqatta aalisakkat sapermatigit, aalisagartorpiarneq ajoratta.
Mamakujunnut sodavandinullu taarsiullugu suna nerineqarlunilu
imerneqarsinnaava?
Smoothie, qaqqortarissat, seqquluttut, knækbrødi serranoskinkelerlugu, skyr naatitalerlugu honningilu.
Timiminnik aalatitsilerusuttunut sunik siunnersuuteqarsinnaavit?
Aallartikkusukkuit aallartigit aammalu nalorniguit aperigit.
Ukiut 20-it qaangiuppata kommunitsinni peqqinnermut takorluukkat naatsumik oqaluttuariuk.
Neriuppunga pisortat kisiisa utaqqiinnarnagit aamma soorlu ilinniartitsisut, suliffeqarfiit, timersornermi sungiusaasut allanillu peqatigiiffinnik ingerlatseqataasut inuunermik peqqinnarnerusumik ingerlalernissamut aqqutissiueqataallutillu siunnersuisassasut. Ataatsimummi siunnerfimmik ikioqatigiikkaanni suliassaq sukkanerusumik oqinnerusumillu anguneqarsinnaavoq.