Qeqqata Kommuniani sulisut suliassaminnut naammassinnissinnaanerminnut sulisinnaasunik amigaateqalissagunik piumassutsiminnik sulisussanik pisariaqartitsilissapput, tamannalu piareersimaffiginiarlugu inuit piumassusiminnik ikiuukkusuttut nalunaarsornissai Qeqqata Kommuniata pisariaqartippaa.
Piumassutsinnik ukiuukkusukkuit quppersakkatsinni immersugassaq immersorsinnaavat, taava Qeqqata Kommuniani ikiuukkusuttunik upalungaarsimanermut ataqatigiissaarisup nalunaarsukkaminut ilanngutissavaa. Aammattaaq piumassutsimik ikiuuttussanut ilitsersuut quppersakkatsinni atuarsinnaavat.
Suut suliassaanersut assigiinngitsuupput. Soorlu assersuutigalugu utoqqarnik angerlarsimaffimmi sullissinerit, silami nivannerit, pisiniarfiliuussinerit assigisaallu. Aamma ilinniagalinnik ilaqarluni immikkoortortaqarfinni sullissinerusinnaapput.
Aaqqissuinermut Arctic Circle Racep ikiuuttartui aammalu Kristine Olsenip Facebookikkut ikiuukkusuttunik kajumissaariffia Qeqqata Kommuniata ataqatigiissaakkamik suleqatigai.
Immersugassaq nittartakkakkut immersoriarlugu nassiunneqarsinnaavoq. Aamma qarasaasiatigut immersoriarlugu anillatseriarlugu nammineq immersorneqarsinnaavoq. Immersoreeraanni assinngorlugu joda@qeqqata.gl -mut nassiunneqassaaq, imaluunniit kommunip allakkatsigut nakkartitsivianut ikineqarsinnaalluni,
Piumassutsiminnik ikiuukkusuttunut ilitsersuut uani atuaruk: Piumassutsuminnik ikiuukkusuttunut ilitsersuut
Piumassutsimik ikiuukkusukkuit una immersoruk: Immersugassaq