Tamanna isumaqanngilaq atuarfiit meeqqeriviillu tulleriissaarinermi kingulliunneqartut. Pingaaruteqarporlu kommunip innuttaasuni sulisunilu illersornissai.
Kommunimi orniguffigineqarsinnaanngikkallartutut aalajangiiffigineqartut suliassat qitiusut pingaarutillillu suliarisarpaat, innuttaasullu pitsaasumik sullinneqaannassagunik orniguffigineqarsinnaannginnissaat pingaaruteqarpoq. Taamaattumik mianersornissaq peqqutaatillugu taamatut malittarisassaliortoqarpoq.
Coronavirusip nunatsinnut apuunnissaanut matusigallarneq innuttaasunut sulisunullu ilinniutaavoq. Nunatsinnimi tunillaatilerpat sullissinerup suli pitsaasuunissaa anguniarneqarpoq. Inuiaqatigiinni sanngiinnerusut paarilluarneqassappata sullissisinnaasut paarilluarneqartariaqarput.
Naak kommunimi ornigulluni saaffiginnittarfiit matoqqagallartinneqaraluartut kommunimi sullissineq suli taamaaginnarpoq. Kommunip nittartagaani saaffiginniffissamut paasissutissat nassaarineqarsinnaapput. Sapinngisarlu tamaat oqarasuaatikkut emailikkullu saaffiginninnerit pissapput. Pisariaqavippallu soorunami kommunimut ornigussinnaanissaq isumaqatigiissuteqarfigineqassaaq.