Sisimiuni Puigortunngortunut immikkoortortamik pilersaarusiornermi siunnersorti
Sisimiuni puigortunngortunut immikkoortortaqarfimmik nutaamik pilersaarusiornermut atatillugu siunnersorti matumuuna Qeqqata Kommuniata suliariumannittussarsiuuppaa.
Suliassaq illumik kiassakkamik marlunnik quleriilimmik 1717 m2 missaani annertussusilimmik imaqarpoq. Illu quleriinni tamani ineeqqanut 20-nut, ataatsimoorussamik nerisarfittalimmut isersimaartarfittalimmullu, errorsisarfik, timimik aalatitsisarfik, ini uninngaartarfik, sannavik, timigissartarfik, inuttut imminut isumagisarfik, allaffiit pingasut, ataatsimiittarfik/oqaloqatiginnittarfik, arnanut 30 missaanut angutinullu 15 missaanut atisalersortarfiit, sulisunut igaffeeraq, nakorsaataasivik, qarasaasiaqarfik kopeerisarfillu, toqusut inaat/ naggammik tussiaqatigiittarfik, errorfik qorfinnut saliisarfilik, oqorutaasivik, ikiorsiissutinut inissiivik, igaffik erruivittalik, qerititsivik-nillataartitsivillu, nerisassanut inissiisarfik, quleriinni tamani eqqiaatinut inissiisarfiit, elevatori, isaariaq, paarsuaasq, pulaartunut atisaajartarfik innarluutilinnullu perusuersartarfik, majuartarfik appakaaffissaq, majuartarfiit qimaaffissiat teknikkikkullu atortuusívik. Taakkununngalu silaannarissarfinnut ini kiassagaasoq, ukiuunerani naatsiivik ulisaq, inissiiviit eqqaaveqarfillu, kiisalu biilinut inissiivik, biilit appakaaffissaat, pilersuinermut aqqutinut ikkuffissat ungalorlu. Neqeroorut kommunimut iluaqutaarnerpaaq malillugu suliassaq tunniunneqassaaq.
Pilersaarusiorneq 2020-mi juulimiit 2021-imi oktobarip tungaanut ingerlanneqassasoq naatsorsuutigineqarpoq.
Suliariumannittusarsiuussinermut piffissaq, sumiiffissarlu neqeroortitsinermi nassuiaammi takuneqarsinnaavoq.
Neqeroortitsinermi atortussat uunga inniminneerneqarsinnaapput:
agol@qeqqata.gl oqarasuaat. 867478
Qeqqata Kommunia
Teknikkeqarnermut Avatangiisinullu immikkoortortaq
Guutaap Aqq. 5, B-1295
3911 Sisimiut