Qatanngutigiit taakku marluk aningaasarsiutigalugu assammik arsarnermik aallautaqarsimapput kalaallit nunuaanni angutini nunanut allanut unammisartuullutik.
Angutimmarik 17-inik ukioqarluni Danmarkimut nuuppoq aammalu europami klubbini arlalinni unammisartuunikkuulluni, taakkununnga ilaallutik Danmarkimi klubbit arfineq-marluk aammalu Sverigemi Tysklandimilu. Angutimmarik ullumikkut Maniitsumi Efterskolemi qarasaasialerisutut timersornermullu ilinniartitsisutut atorfeqarpoq.
Qatanngutaa nukarleq Akutaaneq aamma nunani tamalaani assammik arsartartuunikuuvoq, taakkununnga ilaallutik 2006-imiilli qallunaat nunaanni assammik arsarnermi klubbit kingullermilu 2019-imi 2020-milu japanimi assammik arsarnermik klubbimi. Taanna maannakkut aalisarnermi inuussutissarsiorneq ingerlateqqinniarlugu angerlarnikuuvoq.
Qatanngutigiit Kreutzmann Timersornermut Peqqinnermullu ambassadøritut suliassarivaat sunngiffimmi peqatigiiffilerinermilu meeqqani, inuusuttuni ilaqutariinnilu peqqinnerulersitsinissamut inuulluataarnerunissamullu tapertaallutillu kajumissaasuunissaat. Timersornermut Peqqinnermullu ambassadørimik isumaqatigiissummi siunertaasoq tassaavoq, meeqqat inuusuttullu akornanni peqqinnartumik pitsaasunillu ileqqunik pilersitsinissaq paarinniinnarnissarlu pillugit nukittorsaanissaq aammalu tapersersuinissamut ikiuunnissaq.
Toqqaanermi Borgmesteri oqariartuuteqarpoq:
”Timersornikkullu qanoq pikkoritsiginersi kalaallit namminneerluta isitsinnik takuarput siornaak nunarsuarmi pissartanngorniunnissamut Nuummi anngunniullusi unammisaqattaarassi, tassanilu takuarput timersorneq aqqutigalugu inuiattut qanoq nuannertigisumik ataatsimoorsinnaanerluta. Qularinngilaralu tamanna pillugu nunaqqatissi assorujusuaq tanngassimaarutigisimassagaasi.
Taamaattumik qilanaarpunga peqatigalusi tamattalu suleqatigiilluta kinguaariit tulliini ilissitut ittunik pilersitsisinnaassalluta. Kisianni aamma taamak qaffasitsiginngikkaluartunik, kisianni meeqqat timiminnik aalatitsisuunertik pissutigalugu nuannaarlutillu peqqittut imminnullu tatigisut, imigassamik, tupamik ikiaroornartumillu atuinnginnerpaat pilerseqqissinnaassallutigit. Tamatumalu angunissanut assorujussuaq isumalluarfigaassi, aamma qularutiginngilara nuannaartorineqarnersi siammarterutsigu pitsaasup tungaanut angusaqarsinnaalluta.”
Qeqqata Kommuniata Angutimmarik aamma Akutaaneq siunissami timersornermut peqqinnermullu ambassadøritut sumiiffimmi sulinissaanni suleqatiginissaanut qilanaarpugut.
Annertunerusumik paasisaqarusuttunut attavigineqarsinnaapput:
Borgmesteri Malik Berthelsen, email: mabe@qeqqata.gl, tlf: (+299) 86 73 00
Inuummarissaanut ambassadøri Angutimmarik Kreutzmann, email: angukreutzmann@gmail.com, tlf: (+45) 31 57 04 88
Inuummarissaasunut ambassadøri Akutaaneq Kreutzmann, email: akutaaneq@hotmail.com, tlf: (+299) 27 88 30
