Maannakkut atuarfiit UNICEF peqatigalugu pisinnaatitaaffinni "tamakkiisunngulerput" Rettighdsskoletut nutaatut FN-ip Meeqqanut isumaqatigiissutaa pillugu meeqqat inersimasullu ilisimasaannik nukittorsarniarneqarput - meeqqat oqaaseqarsinnaanerat nukittorsarneqassaaq.
Ataasinngornermi septembarip 28-ani atuarfiit FN-ip Meeqqanut isumaqatigiissutaani periutsinut atuarfiit pisortatigoortumik ingerlalerput, atuarfiit ulluinnarni malittarisassaliaat aallaavigalugit. Taamaalilluni atuarfimmi atuartunut ilinniartitsisunullu Meeqqanut isumaqatigiissut "tunngaviusumik inatsisinngussaaq.
Taanna Qeqqata Kommuniani Ilinniartitaanermut Aningaasaqarnermullu pisortaanermit Annga Lynge aamma Kalaallit Nunaanni UNICEF-imut suliniutinut pisortamit Maliina Abelsen pulaartoqarluni oqalugiartoqalaarlunilu pingasunngornermi septembarip pingajuani nalliussineqarpoq.
Naatsumik oqaluttuaralugu FN-ip Meeqqanut isumaqatigiissutaani periutsit malillugit atuarfiit ulluinnaqalernissaasa ilusilersornissaanut maanna atuarfiit akuersipput. Tamanna imaqarpoq Meeqqanut isumaqatigiissummi katersuutaasunik pisinnaatitaaffiit pillugit meeqqat paasitinneqarnissaat, kisianni ingammik atuarfimmi inuunerissaarnerup pitsanngorsarneqarnissaanut sulinermut atuartut akuutinneqarnissaat. Tamanna atuartut aamma atuartut sulisullu akornanni inuulluataarnermut atuuppoq.
Ilinniartitaanermut Aningaasaqarnermullu pisortaaneq Annga Lynge oqariartuuteqarpoq:
”Meeqqat pitsaasumik inuunneqarnissaanut aammalu peqqinnartumik inuuneqarnissamut innuttaasut akisussaaqataanermik tigusinissaasa nukittorsarnissaanut Qeqqata Kommunia anguniagalimmik suliniarpoq. Arlalissuarnik unammilligassaqarpugut taamaattumillu isummamik allannguinissamik anguniagalimmik suliaqarluta, meeqqat atuarfiat atuartunut atugarissaartunut, pisinaasatigut ineriartornermut pitsaasunik periarfissaqartuussalluni aammalu atuarfik meeqqallu angerlarsimaffii qanittumik suleqatigiiffiulluni. Qeqqata Kommuniata FN-ip meeqqanut isumaqatigiissutaanik sulinermi qulakkeerneqassasoq upperivaa, meeqqat atuarfiata pingaartitanik pitsaasunik isumaqatigiissutip imarisaanik tamanik ukkataqassasoq, aammalu imartussuseq, ataqqinninneq, toqqissisimaneq akisussaassuseqarnermillu misigisimanermik aallaaveqarluni ataatsimoornermi atuartut, angajoqqaat, ilinniartitsisullu ataatsimoortinneqassasut, taamaalilluni pingaartitat oqaasiinnaassanatik.
Nikolaj Berthelsen, Nakuusaaqqani ilaasortaq aamma Qeqqata Kommunianni Meeqqat Isummersortarfianeersoq oqariartuuteqarpoq:
”Qeqqata Kommuniani Meeqqat Isummersortartuni Minngortuunnguup Atuarfianit aallartitaalluni allanngueqataalluni misinnarpoq. Meeqqat Isummersortarfianit 2019-imi innersuussutigaarput, atuartut meeqqat pisinnaatitaaffiini ilinniartinneqarnissaat aallartinneqassasoq, meeqqat siunisaannut peqqinnartumillu inuuneqarnissaanut meeqqat pisinnaatitaaffiinik iilisimasaqarneq ilitsersuisussaasoq isumaqaratta. Taamaattumik Rettighedsskolet maannakkut aallartinneqarmata nuannaarpunga. Meqqat namminneerlutik pisinnaatitaaffitik pillugit ilinniarnissaat pingaaruteqarpoq, aamma taamaaliornikkut killiliinissamik aammalu assersuutigalugu aanngajaarniutinut taarsiullugu inuunermik pitsaasumik toqqaanissamut ilinniarlutik.
Atuarfinni pisortaasut Jesper Ryttov aamma Dan Christensen Rettighedsskoletut sulineq ingerlalernissaanut qilanaarput, taamaalilluni atuartut pisinnaatitaaffinnik suliaqarnertik ingerlateqqinniassammassuk aammalu atuarfiit atuarfinni inuunerissaarnermik suliaqarnermi atuartut akuutinissaannut suli pikkorinnerulernissaannut.
UNICEF-ip misilittagarivaa, meeqqat pisinnaatitaaffimminnik ilisimannittut nukittunerulertartut aammalu ulluinnarminni aaqqiiaginngissutinik namminneq aaqqiisinnaanerulertarlutik. UNICEF Rettighedsskoleni atuartut aquttarfimmiittooqataasarput aammalu atuarfimmi unammillernartunik aaqqikkusutaminnik nammineq aaqqiinissamut peqataasarlutik.
UNICEF Rettighedsskolet misiliummik suliniutaavoq, kalaallit nunaanni atuarfinnut kalaallillu kulturiannut tulluarsarneqartussaasoq. Sulinikkut atuarfiit akuerisaasunngortikkiartorneqassapput. Sisimiuni atuarfiit misiliutaaneranni atuarfiit akuerisaasunngortinneqarlutik naammassineqarpata, Kalaallit Nunaanni atuarfiit allat ukiumi atuarfiusussami tullermiit akuerisaasunngornissaat isumaavoq.
UNICEF-imi suliniutinut pisortaq Maliina Abelsen oqariartuuteqarpoq: ”Kalaallit Nunaanni siullerpaatut Rettighedsskoletut atuarfiit atuuttussanngortinneqarnissaanni atuarfiit suliaqarnerannut atuarfiit nersualaagassapput. Tamanna tulluusimaarutigisinnaavarsi Meeqqat pisinnaatitaaffitik ilisimagaangamikkit tusarnaarneqarlutillu, inuulluataarnerat, ilikkagaqarsinnaanerat ataatsimoorsinnaanerallu siuariartortarpoq. Aggustimi ilinniartitsisunut tamanut, aallartinnissamut akuersaartuusunik kajumissuseqartuusunillu workshoppimik ingerlatsisoqarpoq. Tamanna tulluusimaarutigisinnaavarsi. Kalaallit nunaanni atuarfinnut tamanut isumaqarluartumik, Rettighedsskolenut kalaallit atorsinnaasaannik ineriartortitsinissaq pillugu suleqatigiinnissamut qilanaarpunga.
UNICEF Rettighedsskoler Kalaallit Nunaannitttut ØSTIFTERNE-mit tapersersorneqarput.
Paasissutissat sukumiinerusut pillugit attavigineqassaaq:
Maliina Abelsen Kalaallit Nunaanni Sulinilutinut pisortaq oqar. +299 548660
Christian Bruun Bindslev, Rettighedsskolenut Suliniutinut aqutsisoq oqar. 0045 29893455¨
Dan Christensen, Nalunnguarfiup Atuarfiata Ittuai, tlf. +299 528881, dgch@qeqqata.gl
Jesper Ryttov, Minngortuunnguup Atuarfiata Ittua, tlf. +299 383410, jery@qeqqata.gl
UNICEF suliniaqatigiiffittut kattuffiuvoq, nunarsuarmi nunat tamalaanni isumaginnittussanngorlugu pilersitaq, meeqqat inuunerminni ingerlatsilluarlernissaannik qulakkeerinnittussatut. Naalagaaffiit Peqatigiit Meeqqat pillugit Isumaqatigiissutaat najoqqutaavoq, iliuutsillu tamavimmik nammineerlutik tapeerusuttunik aningaasalersorneqarput. UNICEF pinasuartumik ungasinnerusorlu isigalugu atuilluartumik ikiuunnerup akornanni ikaarsaarfiuvoq. Ukiut 70-it ingerlaneranni kinguneqarluartunik sulisimavugut, taamaalillutillu ullumikkut meeqqat amerlanerit inuuginnarsinnaalersimapput, ilinniagaqarlutik isumannaatsumillu peroriartorsinnaalerlutik. Nunani nunallu ilaanni 190-ini.
