Ukiup qaammatai kingulliit qanilliartorput, 1989-miilli ileqqorineqalersimavoq ukiut tamaasa Maniitsup kommunalbestyrelsia ileqquusumik inummik imaluunniit inunnik innuttaasut akornannit inassuteqartoqarnikkut ataqqinaasiisarluni.
Ataqqinaat allagartalerlugu tunniunneqartartoq "Maniitsup Kommuneata Ataqqinaasiisarnerani Aningaasaateqarfik"-nit aningaasanik ilaqartinneqartarpoq.
Aningaasaateqarfiup siunertaraa Maniitsup Kommunea-ta ataqqinaasiuttagaata tunniunneqartarnissaa, inunnut maligassiuilluarnermikkut immikkut nersortariaqartunut taamalu Maniitsup Kommuneata iluani pissutsinik soqutiginninnermik, eqiasuissutsimik sumillu aallarnisaasinnaanermik takutitsisimasunut tunisisarnissaq, taamatullu ataqqinaasiisarneq ukiumut ataasiarluni pisarpoq kommunalbestyrelsip aaliangiineratigut, soorluttaaq kommunalbestyrelsimit aaliangerneqartartoq inuit ataqqinaasigassat qassiussanersut aningaasartassaallu qanoq amerlatigissanersut.
Ataqqinaasiinissaq ukioq manna aammattaaq pisussaavoq, taamaattumik kommunalbestyrelsi matumuuna kaammattuivoq inuit ataasiakkaat, peqatigiiffiit soqutigisaqaqatigiillu 2020-mi ataqqinaasigassanik toqqaaniarnermi peqataaqqullugit, kommunalbestyrelsimullu siunnersuutit nassiunneqartussat tunngavilersorluarneqarsimasariaqarput.
Siunnersuutigineqartut kommunalbestyrelsimut tunniunneqareersimassapput kingusinnerpaamik pingasunngorneq novembarip 18-ani 2020.
Decembarip qaammataani ataqqinaasiisoqassaaq.
Inussiarnersumik inuulluaqqusilluta,
Malik Berthelsen - Borgmesteri
Sanaartortitsisoq Qeqqata Kommunia, Teknikkimut Avatangiisinullu immikkoortortaq Maniitsoq sinnerlugu, matumuuna suliassaq qulaani pineqartoq tamanut suliariumannittussarsiuunneqarpoq.
Nutaarsiassaq atuarukNaalakkersuisoq Bentiaraq Ottosen aamma borgmester Malik Berthelsen Iinnuttaasunik ataatsimiisits Taseralimmi marlunngorneq 13. maj 2025 nal. 19-21.
Nutaarsiassaq atuarukPinngortitamut Avatangiisinullu Naalakkersuisoqarfik, Pinngortitaleriffik aammalu Qeqqata Kommunia Innuttaasunik ataatsimiisitsillunilu workshoppertitsissaaq Multihus-imi pingasunngorneq 14. maj 2025 nal. 19-21.
Nutaarsiassaq atuaruk