Qeqqata Kommunia annertuumik suliniuteqarpoq “Inuunerissaarneq – Det gode liv”-imik taasamik. Suliniutip ilagivaa Inooqataanikkut atugarissaarneq, tamatumanilu
timikkut tarnikkullu atugarissaarneq ilaavoq. Taamaattumik Qeqqata Kommunia Arnajaraq Støvlbæk Taseralillu suleqatigalugit saqqummersitsipput taaguuserneqartumik “Goruuna”.
Nunarsuatta coronamik eqqugaanerata nalaani misigisat inuiaqatigiit assinik, qalipakkanik titartakkanillu nassiussisut assilianngorlugit saqqummersitsinneqarput sisamanngorneq 29. oktoberi Taseralimmi, saqqummersinneqartut takuneqarsinnaapput 31. decemberi 2020 tikillugu.
Ammaanersiornermi kommunimi pisortaaneq Juliane Henningsen oqalugiarpoq, ilaatigullu oqaatigalugulu “Eqqumiitsuliorneq atorlugu tarnikkut peqqissuunissamut sunniuteqaqataasinnaasoq.
Pinngitsoqarata ukioq 2020 immikkut eqqaamasaqarfigiumaarparput - ukioq nunarsuarmi coronavirusip siaruaanneranik inuunitsinnut allannguilluinnartumik sunniuteqarmat. Upernaaq tamaat ullut tamaasa pisunik malinnaavugut, inuunitsinnilu allannguutaasut, misigisagut ataasiakkaatut inuiaqatigiittullu takusagut - misigissutsigut inooriaatsittalu allanngortariaqarnerani pisut ilaatigut saqqummersitsinermi uani takusinnaavagut. Pisut imaannaanngitsut nalaanni - saqqummersitsinermi uani takusinnaavarput qanoq misigisaqartoqarsimanersoq - qanoq nutaaliortoqarsimanersoq - qanorlu eqqarsaateqartoqarsimanersoq. Qujanarsuaq assinik takussutissanillu allanik nassiussisunut.”
Aaqqissugaq ingerlanneqarpoq projektiminngaanniik ”Inuunerissaarneq – Det gode liv” politikkerit aningaasaliissutaanninngaanniik, innuttaasunut tamanut pitsanngorsaasaasussatut inuunermi atugarissaritaasunut. Projekti arfineq-marlunnik quleqautaqartunik gruppeqarpoq, meeraanermiik utoqqalinermut.
Annertunerusumik paasisaqarusukkuit uku attavigikkit:
Inga Olsen, Qeqqata Kommunia suliniummik aqutsisoq
ingo@qeqqata.gl, +299 86 73 20
Juliane Henningsen, Qeqqata Kommuniani pisortaaneq
juhe@qeqqata.gl, +299 86 73 01
Arnajaraq Støvlbæk, ataqatigiissaarisoq ilusilersuisorlu
mail@arnajaraq.gl, +299 52 25 95
