Taamaalillutit qimmit tamarmik eqqortumik akiuussutissamik kapitissimanerat qulakkeersimasarniassagakku.
Qimmitit pillugit allattorsimaffiliorit. Allattorsimaffimmut qimmiaqqat/qimmit nutaat aammalu akiuussutissamik kapitissimanersut allattakkit. Qimmit toqutsissimasat allattorsimaffimmiik peertakkit. Allattorsimaffik ukuninnga paasissutissanik imaqassaaq:
• Qimmip atia.
• Qimmip suiaassusaa.
• Inuuvik. Qaammat aamma ukioq.
• Akiuussutissamik kapitissimanera qaqugukkullu akiuussutissamik kapitissimanera. Eqqaamallugu akiuutissat tungujortuummata aappaluttuullutillu.
Assersuutigalugu allattorsimaffik ima isikkoqarsinnaavoq:
”Akiuussutissaq tungujortoq”: Qimmit nappaataannut nalinginnaasunut soorlu Parvovirusi, qimmit nappaataat, Hepatitis, il.il. pillugit akiuussutissamik kapisineq.
”Akiuussutissaq aappaluttoq”: Perlerornermut akiuussutsimik kapisineq.
Qaammartikkaartumik imaluunniit ukiup affakkaartumik akiuussutissamik kapisisarnermi peqqutaavoq, ataasiaannarluni imaluunniit akuttuallaamik akiuussutissamik kapitittarpata akiuussutissaq sunniuteqanngitsoorsinnaammat. Akiuussutissaq sorliunersoq apeqqutaalluni pisariaqartitsinermi piffissap akuttussusaa allanngorarsinnaavoq.
Illoqarfimmut allamut nuukkuit qimmit nassarlugit, imaluunniit qimmeqarunnaarlutit: Assersuutigalugu qimmitit tamaasa toqutsikkukkit imaluunniit allamut tunniukkukkit. Eqqaamassavat qimmilerisoq nalunaarfigissagakku, taamaalilluni qimmit allattorsimaffiat nutartersinnaaniassammat.
Akiuutissanik kapitinnissamut peqqussut eqitsisimiittoq takuuk. Arlaannik nalornissuteqaruit taava qimmilerisoq imaluunniit Teknikkimut Avatangiisinullu Immikkoortortaqarfik sianerfigisinnaavatit.
Qimmilerisoq, mobil 527922
Teknikkimut Avatangiisinullu Immikkoortortaqarfik 867460 / 867461
