ILISARNAAMMIK UNAMMISITSINEQ - 2.500,00 koruuninik eqquerusuppit? Taava ataaniitoq atuaruk!
Inuunerissaarneq – Det gode liv pillugu innuttaasunik paasititsiniaanermut atatillugu Qeqqata Kommunia suliniummut ilisarnaammik pisariaqartitsivoq.
Meeraaguit, inersimasuuguit aammalu utoqqaaguit apeqqutaanngilaq. Pilersitsisinnaanerit takutiguk, Inuunerissaarneq – Det gode liv pillugu ilisarnaammik siunnersuutit uagutsinnut nassiuguk.
Ilisarnaammi ujartorparput suliniummut attuumassuteqartumik nuannersumik oqariartuuteqarnermik takutitsisuusoq.
Ilisarnaammik siunnersuusiaq kommunip allaffianut tunniunneqarsimassaaq kingusinnerpaamik sapaat decemberip arferngani 2020-mi. Siunnersuummi ilanngunneqassaaq ilisarnaatip qanoq isumaqarneranik nassuiaat, aammalu ilisarnaat qanoq Inuunerissaarneq – Det gode liv-mut attuumassuteqarnersoq.
Unammisitsinerup kingorna ilisarnaat nutaaq pilersitsisualu saqqummiunneqarumaarput.
Ilisarnaat uunga nassiunneqassaaq mailimut: qeqqata@qeqqata.gl
Qilanaarpugut innersuussasi takunissaanut!
