Piniarfik 1-mi 75-nik pisassiisoqarpoq.
Kommunip aalajangissavaa piniarfik 1-mi pisassiissutit inuussutissarsiutigalugu piniarnermut allagartalinnut aamma sunngiffimmi piniarnermut allagartalinnut qanoq avinneqassanersut.
Piniarfik 1-mi qimussimik pisummillu umimmanniartoqassaaq. Assartuutit motoorillit atoqqusaanngillat
Piniarfik 2-mi 225-inik pisassiisoqarpoq
Inuussutissarsiutigalugu pinianermut allagartalinnut 225-nik pisassiisoqarpoq.
Piniarfik 3 aamma 4-mi 750-nik pisassiisoqarpoq.
Inuussutissarsiutigalugu piniarnermut allagartalinnut 720-nik pisassiisoqarpoq.
Piniarfik 3-ip ilaani sunngiffimmi piniarnermut allagartalinnut 30-it pisassiissutaapput.
Piniarfik 5-mi 150-it pisassiisoqarpoq.
Inuussutissarsiutigalugu piniartunut pisassiissutaapput.
Piniarfik 2,3,4 aamma 5-mi piffissaliussanut ullunik qulinik sivisussusilikkaanut umimmatassiisoqarpoq.
- Piniartussat siulliit 25. januarimiit 3. februar ilanngullugu piniassapput.
- Piniartussat tullii 4. februarimmiit 13. februar ilanngullugu piniassapput.
- Piniartussat kingulliit 14. februarimiit 23. februar ilanngullugu piniassapput.
Umimmanniarniartunut qinnuteqartitsineq aallartissaaq ataasinngorneq 11. januar 2021 ingerlassalunilu 15. januar 2021, nal. 15.00 tungaanut.
Erseqqissaatigineqassaq Qeqqata Kommunia tassaammat aalajangiisussaq qinnuteqartut piffissaliussani sorlerni piniarnissaannik.
Qinnuteqarneq pissaaq Sisimiuni aamma Maniitsumi inuussutissarsiutigalugu piniartut piniarnermut aalisarnermullu siunnersortinut saaffiginninnillutik.
Nunaqarfinni qinnuteqartut kommunip allaffiinut saaffiginnillutik.
Sisimiuni Maniitsumilu sunngiffimmi piniarnermut allagartallit Innuttaasunut sullissivimmut saaffiginnillutik.